Rusiyedeki Vlasıha şeeri Apellâtsiya makemesi, "Hizb ut-Tahrir" davasında 11 senege maküm etilgen qart qırımtatar faalcisi Yaşar Şıhametovnıñ ükümini deñiştirmedi. Makeme oturası vaqtında özüni yaramay duyğan ve aqrasınen ciddiy meseleler sebebinden qırımtatar adamını zaldan sediyede çıqardılar.
Advokat Oleksiy Ladin "Qırım birdemligi"ne bu aqqında haber berdi.
Oturıştan evel Kreml eseri imayecisine şikâyet etti ki, onıñ qalbi ve bürleri ağırmağa başladı. İhtiyac duyğanı ilâçlarnı oña bere ekenler, faqat yardım etmegenler. Adamın sediyede çıqarğan soñ tibbiy işçiler onı baqqanlar ve siyasiy mabüsniñ makeme oturışında iştirak ete bileceğini qayd etip onı keri ketirgenler.
Rusiye makemesi, Şıhametovnıñ ükümini deñiştirmedi. Advokat, davanıñ şaatlarını bildirgenini ve sözlerini tanınmağanını talap etti. Amma makemeci razı olmadı.
"Qabaatlayıcı tarafnıñ sualine cevap adiy edi, qorçalayıcı tarafın suallerine ise şaatlar "Hatırlamayım" dep cevap berdiler. Bir qaç sebepten bes belli oldı ki, gizli şaatlar Şıhametovnen tanışmadılar. Olar bildirdiler ki, onıñ musafirhanesine eki sene ketken ekenler, amma kirişte balaban arfilernen yazılğan adını hatırlamay ekenler", — dep Ladin qayd etti.
Bundan ğayrı makemeci, makeme oturışında ne aytqanlarını qısmen añlağan qırımtatar adamına tercimannı bermege red etti.
Yaşar Şıhametov aqqında ne bilemiz
- 2021 senesi kiçik aynıñ 17-sinde Qırımdaki kütlevit tintüvlerden soñ işğalciler onı ve daa beş qırımtatar adamını tuttılar.
- 2022 senesi berim ayınıñ 9-ında RF CQniñ 205.5. maddesiniñ 2. qısmına (RF qanunlarına köre terrorcı olaraq tanınğan teşkilâtnıñ faaliyetinde iştirak etüv) mücibi Şıhametov 11 senege maküm etildi. Tevqif müddetiniñ ibrinci dört senesini daa şiddetli şartlarnen apishanede keçirmeli.
- Tevqif olunmadan evel aşçı olıp çalışqan qırımtatar adamınıñ ciddiy sağlıq meseleleri bar: hronik gipertoniya sebebinden qalp, mide, arqa ve qaara cigerler meseleleri bar. Yaramay sağlıq alı sebebinden makeme oturışları sıq sıq başqa tarihqa keçirildi. Üküm çıqarmadan evel adamğa acele yardım çağırğanlar.
Hizb ut-Tahrir islâm fırqası sadece Rusiyede terrorcı bir teşkilât olaraq tanındı, çünki bu teşkilâtnıñ azaları, musulmanlarğa repressiyalar sebebinden muntazam tarzda işğal akimiyetini tenqit ete ediler. Aynı zamanda Hiz ut-Tahrir dünyanıñ ülkeleriniñ çoqusında ve Ukrainada serbest şekilde faal ete.
Telegram, Viber ve Facebookta Suspilne Qırım haberlerine abune oluñız
