2014 senesinden berli Rusiye Qırımnı işğal etkeni vaqıt devamında "Hizb ut-Tahrir davaları"nda 106 Ukraina vatandaşı, siyasiy taqiplerniñ qurbanı oldı. Olarnıñ çoqusı alâ daa serbestlikten marum etildi.
QırımSOS analitikacısı Yevheniy Yaroşenko bu aqqında haber berdi.
"Olardan dörtü cezalarını endi alıp çektiler, 84-ü ise alâ daa 8-20 senelik müddetke serbestten azat etildi. 2019 senesi epis etilgen qırımtatar Cemil Ğafarov, 2023 senesi kiçik aynıñ 10-unda epishanede elâk oldı", - dep qayd etti o.
"Hizb ut-Tahrir" aqqında ne bilemiz
- 2003 senesi Rusiye, "Hizb ut-Tahrir" teşkilâtını terrorcı bir teşkilât olaraq tanıdı. Aynı zamanda Ukraina topraqlarında ve dünyanıñ ülkelerinin çoqusında o, qanuniy şekilde çalışa.
- İşğal etilgen Qırımda ruslar, "Hizb ut-Tahrir"ge sanki ait olğanı içün 20 senelik müddetlerni qanunsız olaraq çıqaralar.
- 2023 senesi arman ayınıñ 24-ünde Qırımnıñ Bağçasaray rayonındaki qırımtatarlarnıñ evlerini kütleviy olaraq tinttiler. Bunıñ neticesinde altı qırımtatar adamı qanunsız olaraq tutuldı ve epis etildi. Olar, “Hizb ut-Tahir” halqara siyasiy islâm teşkilâtına sanki ait olğanları içün qabaatlanalar.
Telegram, Viber ve Facebookta Suspilne Qırım haberlerine abune oluñız
