Praha bestekârı Tomaş Dvorak (Floex) ve VİETda işğalge qarşılıq areketi "Sarı Şerit"nen beraber ukrain sound prodüsseri İhor Kırılenko, bu areketniñ Yellow Ribbon adlı sountrackini yarattılar. Olarnıñ maqsadı, Ukrainanıñ vaqtınca işğal etilgen topraqlarda ukrain taraflı olğan ve bu sebebinden muntazam şekilde taqip etilgen insanlarğa diqqat celp etmek ve küreşniñ devam etkenini hatırlatmaqtır.
Instagramda yaratıcıları trackniñ videosını yayınladılar.
Yellow Ribbon, vaqtınca işğal etilgen topraqlardaki ukrain faalcileriniñ cesaret küreşi, sağlam ruhu, muntazam qarşılığı, telükesi ve şiddetligini añlata.
İçtimai ve muzıka art-leyhasınıñ videosında divarlarda "Ї" arfini ve sarı şeritlerni yazğan ve soqaqlarda olarnı taqqan, ukrain işaretlerinen teşviqat kâğıtçıqlarını tarqatqan ve Rusiyeniñ propaganda gazetalarını yaqqan areketniñ azalarınıñ gizli fotoresimleri qullanıldı. Muntazam şekilde "Sarı şerit"niñ idarecileri yañı narazılıq tedbirlerini yaratalar, işğalciler ise bütün ukrain faalcilerini tutmağa tırışalar.
"Men Qırımdan, Keriçten kelem. Ukrainanıñ VİET mevzusı, menim içün acıdır. Ana-babam Qırımda qaldılar ve yazıq ki, babam hasta ve alı yaramay, cenk sebebinden ise onıñ yanına kelemem. Cenk em topraq, em ruh ceetinden bizni böldi. Bu collaboration vastasınen tuvğan şeerim Keriçniñ yaqın kelecekte evine Ukrainağa qaytmasına öz issemni qoşmağa isteyim. Ukrain ruhunıñ dayanıqlığınıñ misali olğan "Sarı şerit"niñ faalcileriniñ faaliyetini aydınlatmağa da isteyim! Bu eser vastasınen Qırımdaki aqrabalarıma "selâm" bermege isteyim", — dep Yellow Ribbonniñ sound prodüsseri añlattı.
Kırılenkonıñ alğanı Music Export Ukraineden grant vastasınen çel bestekarınen beraber bu trek yaratıldı. O Hidden Element elektron levhasının müellifi, Maks Barskıh, Dorofeeva, Dantes kibi belli ukrain artistleriniñ bediiy reberi ve ukrain sound prodüsseridir.
"Sarı Şerit", vaqtınca işğal etilgen topraqlardaki cemaat qarşılığı areketidir. Faalciler, sarı renkli işaretlerni qullanaraq fleşmoblar ve tedbirlerni keçireler, ukrain menfaatı sebebinden er kün taqipler, azaplamalar ve ölüm telükesi astında bulunalar.
Bu areketniñ qırım yönelişiniñ idarecisi bildirdi ki, işğalcilerniñ istegine baqmadan, faalciler toqtamaycaqlar. Aksine de, er kün qarşılıq areketi daa küçlü ola.
Telegram, Viber ve Facebookta Suspilne Qırım haberlerine abune oluñız
