Qırımda "Açuvlı Mavka" qadın partizan areketi, rus işğaline nazarlıq birdirmek içün Aqmescit yap gölü rayonını ukrain taraflı yazmalarnen stikerlernen yaraştırdılar.
Bu areketniñ Telegram kanalında maqbul fotoresimler yayınlandı.
"O*klar anda sıq sıq keteler, bunıñ içün Ukrain partizan areketiniñ er bir yerde olğanını körsinler. "Açuclı Mavka" işğalcilerni qorqutmağa devam etecek, çünki Qırım, Ukrainadır!", — dep faalciler qayd ettiler.
Stikerlerde böyle yazıldı: "Rus çöplügini alıp çıqarayıq!", "Bu Ukrainadır", "Rus*ye yoq olacaq" ve "O*kalarğa qarşı Mavkalar".
Qırımda ukrain taraflı faalcilerniñ soñ areketleri aqqında ne bilemiz
- Qırımdaki Boyka dağında "Sarı şerit" areketiniñ faalcileri, işğalcilerge Qırımnıñ ukrain toprağı olğanını daa bir kere hatırlatmaq içün Ukrainanıñ bayrağını köterip astılar.
- Aqyar sakini Katerına Osıpovanı kamera ögünde mavı ve sarı renkli eşyalarnen foto resimi sebebinden afu soramağa mecbur ettiler.
- Boş aynıñ 13-ünde "Ateş" qırım partizanları bildirdiler ki, Canköyniñ arbiy şeer politsiyasına gizlice kirdiler. Olarnıñ malümatına köre, partizanlarnıñ işi sebbeinden şeer qaravullığı çoqlaştı.
- Orta küz ayında "Sarı şerit" içtimaiy qarşılıq areketiniñ terkibinde eñ az 6 biñ faalci vaqtınca işğal etilgen Qırımdandır. Olar, ruslarnıñ tesirine baqmadan, işğalge qarşılıq köstermege devam eteler.
- "Sarı şerit" partizan areketiniñ iştirakçisi olğan 59 yaşındaki Qırım sakini Violetta Stolârova, Suspilne Qırımğa Qırımnıñ rus işğaline qarşılıqnı ve ukrain taraflı nazar noqtaları aqqında taqiplerni añlattı.
Telegram, Viber ve Facebookta Suspilne Qırım haberlerine abune oluñız
