Qırımdaki Boyka dağında "Sarı şerit" areketiniñ faalcileri, işğalcilerge Qırımnıñ ukrain toprağı olğanını daa bir kere hatırlatmaq içün Ukrainanıñ bayrağını köterip astılar.
Areketniñ Telegram kanalında bu aqqında haber berdiler.
"Biz USQni bekleymiz! Kerek olğance bizim müddetsiz narazlıq aktsiyamıznı devam etecekmiz. Bugün Qırımnıñ töpesinde Ukraina bayrağı dalğalana, yaqın kelecekte ise yarımadanıñ bütün memuriy binalarnıñ damlarında onı körecekmiz, çünki Qırım - Ukrainadır!", — dep bildirildi.
"Sarı şerit" areketiniñ idarecisi İvan Suspilne Qırımğa añlattı ki, Qırımda ukrain bayrağı, vaqıt meselesidir.
"Ukrainalılar er bir yerde onı köterip asalar. Hatırlayıq ki, Aqmecit üzerinde bayrağımız uçtı, Şaan Qayada, Canköy yanında bayrağımız köterildi. Bugün Boyka dağınıñ töpesinde de bayrağımız köterildi. "Sarı şerit" areketiniñ cesür faalcileri bes-belli şey hatırlattılar: Qırım, edebiyen Ukrainadır!", — dep qayd etti o.
Telegram, Viber ve Facebookta Suspilne Qırım haberlerine abune oluñız
