2014 senesinden berli işğalciler balalarnı silâlaştıralar, amma tolu miqyaslı cenk başlağan soñ bu tür tesir usulı kütleviy oldı. Mektepten tış derslerde 5. - 9. sınıflarnıñ talebeleri, silânen umumiy arbiy azırlav derslerini ziyaret eteler, 1.-5. sınıflar içün işğalciler, ayrı "arbiy ve vatanperver teşkilâtı" "Orlönok" teşkil ettiler.
Prezidentniñ QMCdeki daimiy vekiliniñ muavini Denıs Çıstikovnıñ Suspilne Qırımğa añlatqanına köre, 5.-9. sınıflarnıñ talebeleri silâ qullanmağa ögreneler, 10. ve 11. sınıflar içün müddetli hızmetke tafsilâtlı azırlav dersleri alıp bereler.
Aynı zamanda 1.-5. sınıflar içün işğalciler, ayrı "arbiy ve vatanperver teşkilâtı" "Orlönok" teşkil ettiler.
"Bu tür derslerde olar, farqlı vaqialarnı añlatalar. Anda Ukrainağa qarşı tolu miqyaslı cenk aqlaylar, Rusiyeniñ duşmanları, NATO ve Ukraina aqqında añlatalar. Bazıda tolu miqyaslı tecavuznıñ iştirakçilerini davet eteler", — dep QırımSOS ioçtimaiy teşkilâtınıñ analitikacısı Yevhen Yaroşenko añlattı.
Çıstikov qayd etti ki, balalarnı ve gençlikni silâlaştıruv aqqında emir Moskvadan keldi ve mahsus dersliklerde açıq-aydın şekilde añlatıldı.
Onıñ sözlerine köre derslikte bildirildi ki, birinci ve esasa maqsadı - balalarnı Vatan içün, yani siyasiy baylar içün özüni feda etmege azır olmalarını ögretmektir.
Bundan ğayrı, "Almenda" içtimaiy maarif merkeziniñ başı Mariya Sulâlina añlattı ki, yañı işğal etilgen topraqlarda da ruslar arbiy ve vatanperver terbiyesini alıp bereler.
"Qırımda ve Aqyarda bu sistemanı test ettiler, amma şu anda Herson ve Zaporijjâ vilâyetleriniñ işğal etilgen topraqlarında da bu sistemanı qullanalar. Bu topraklarda "Genç ordu"nıñ açılmasını ve "Birincilerniñ areketi"niñ faaliyetini köremiz. "Genç" kibi gençlik areketleriniñ açılmasını da köremiz", — dep qayttı o.
"Almenda" içtimaiy maarif merkezinde qoştılar ki, balalarnı silâlaştırmaq içün bu sene RF deyerli 40 milliard ruble ayırdı. Çoqusı allarda para, "Genç ordu" kibi teşkilâtlarğa üleştirildi.
"Şu anda biz qayd etmege becerdik ki, Qırımda "Genç ordu"nıñ tahminen 84 tanımı çalışa. Bu taqımlar, eñ az 30 biñ baladan ibaret olalar — bu isetek işğal etilgen Qırımdadır. Bu Herson, Zaporijjâ, Luhansk ve Donetsk vilayetleriniñ işğal etilgen topraqlarını esapqa almadan bir sayıdır. Bundan ğayrı, Qırımda bildirdiler ki, bu sene maqsadı, er onuncı balanı "genç ordu"ğa celp etmektir", — dep Sulâlina qayd etti.
Aynı zamanda Çıstikov bildirdi ki, Ukraina prezidentiniñ QMCdeki vekilliginde yarımadanıñ kognitiv işğalden azat etilmesi içün iş gruppası teşkil etildi. Endi bugün mütehassıslar, rus silâlaştıruvından soñ qırım balalarını adiy añlamağa nasıl qaytaracaqlarını tüşüneler.
Telegram, Viber ve Facebookta Suspilne Qırım haberlerine abune oluñız
