"Hizb ut-Tahrir davası"nıñ üçünci Aqmescit gruppasınıñ azası olğan ve 13 senege maküm etilgen Lenur Seydametovnıñ acelen tibbiy yardımğa ihtiyacı bar. Siyasiy mabüsniñ tiz buğumında Beyker kistasını taptılar ve belkemiginiñ aşağı bölügini ameliyat etmek kerek.
Qırımtatar adamı, "Zonatelekom" apis bağı vastasınen bunı öz apayı Acıra Seydametovağa añlattı. Apayı ise sözlerini "Qırım birdemligi"ne bildirdi.
Boş aynıñ 2-sinden berli Seydametov Rusiyedeki Lıpetsk vilâyetimdeki müstemlekeniñ apishane hastahanesinde buluna. O, bir buçuq aydır hastahanege yatqızınmasını beklegen. Kreml esiriniñ qanını talil ettiler ve kompyuter tomografiyasını yaptılar. Cerrah, ameliyatnıñ kerekligini tasdıqladı.
"Böyle oldı ki, o raatlıq künlerinde ketti ve çalışma künlerini bekledi", — dep Acıre Seydametova añlattı.
Onıñ sözlerine köre, tiz buğumında Beyker kistası sebebinden aqayo çoq oturamaz ve yatamaz. Bundan ğayrı, bir qulağı eşitmey.
Lenur Seydametov aqqında ne bilemiz
- Tevqiften evel qırımtatar adamı bazarda satıcı, qurucı ve til tehnikacısı olıp çalışqan edi. 2020 senesinden başlap işğal etilgen Aqmescitte yük ketirüvnen oğraşqan edi.
- 2022 senesi kiçik aynıñ 17-sinde kütleviy tintüvlerden soñ Seydametov tutuldı. O zaman Timur Yalkabov, Azamat Eyüpov, Yaşar Şıhametov, Ernest İbrahimov ve Oleh Fedorov tutuldı. Olar RF CQniñ 205.5. maddesi ve RF CQniñ 278. maddesine mücibi qabaatlandılar.
- 2022 senesi saban ayınıñ 22-sinde Rostov-na-Donudaki Cenübiy bölge arbiy makemesi, Timur Yalkabov ve Lenur Seydametovnı 17 ve 13 senege maküm etti. Üç makemeci davanı keçirdi - Roman Saprunov, Rizvan Subairov, Serhiy Hrışın.
- Davanın bilgilerine köre, qabaatlanğan adamlarnıñ silâsı, patlayıcısı yoq edi. Olar, terrorcı aktnı yapmağa planlaştırmadılar ve başqalarını terrorcı areketlerni yapmağa çağırmadılar. Qorçalayıcı taraf ve qabaatlanğan adamlar, davanıñ sahte olğanını bildridiler ve tevqiflerini içtimaiy menfaatınen ve başqa qırımtatarlarğa qarşı repressiyalar sebebinden quvet müessiseşerini halq ögünde tenqit etmelerinen bağlanalar.
- Rus makemesiniñ üküminiñ şikâyet arizası baqılğan soñ 2023 senesi qara qış ayınıñ 10-unda qırımtatar adamını Novoçerkasktaki SİZOdan Lupetsk vilâyetiniñ Yelets şeerindeki apishanege etap ettiler.
