Orta küz ayınıñ 30-ında Qırımğa raketa ücümi neticesinde RF ordusınıñ "S-300" zenit-raketa kompleksi bozuldı.
Öz menbalarına atıf eterek ASTRA Telegram kanalı bunı yazdı.
Bildirildi ki, orta küz ayınıñ 30-ında saba saat 6da işğal etilgen Qırımnıñ Saq rayonındaki Terekli Qoñrat köyü rayonına raketa ücümi yapıldı. Anda RF MNniñ AM sisteması kompleksi yerleşe.
Ücüm neticesinde "S-300" ZRK bozuldı, dizel-generator yoq etildi. Birinci malümatqa köre yaralanğan insan yoq.
Qırımda soñ patlamalar aqqında ne bilemiz
- Orta küz ayınıñ 24-ünde aqşam maalinde Aqyarda bir qaç şiddetli patlama duyuldı. Aynı kün RF Mudafaa nazirligi bildirdi ki, Qara deñizde Ukraina Arbiy-deñiz quvetleriniñ üç suv astındaki dronı tapılıp mahv etildi.
- Orta küz ayınıñ 23-ünde işğal etilgen Aqyarda uzaq patlamalar duyuldı. Şeerniñ işğal gubernatorı bildirdi ki, tış reydde patlamalar duyuldı. Şu anda o yerde RF Qaradeñiz flotunıñ gemilerinde oquylar.
- Orta küz ayınıñ 18-inde işğal etilgen Aqyarda şiddetli patlama duyuldı. Aynı kün belli oldı ki, işğal etilgen Aqyarda Rusiye Qaradeñiz flotunıñ silâ yedeklerine raketa urdı, bir rus askeri yaralandı.
- Orta küz ayınıñ 17-sinde Qırımnıñ işğal başı Serhiy Aksönov bildirdi ki, Qırım yanında sanki 8 uçucısız alet mahv etilgen.
Telegram, Viber ve Facebookta Suspilne Qırım haberlerine abune oluñız
