Arman ayında saylaşmağa başlağan Qırımdaki Qarasuvbazar suv anbarınıñ tolulığınen bağlı vaziyet kritiktir. İşğalciler, Büyük Qarasuv özenine suv teminatını asğarmağa mecbur oldılar. Aynı zamanda anda suv seviyesi tüşmege devam ete.
"Qırım.Aqiqat" bu aqqında haber berdi.
Qarasuvbazar suv anbarından ğayrı, yanında yerleşken Tayğan yapma gölü ve Büyük QArasuv özeni saylşalar. Alçaq suv seviyesi neticesinde Qarasuvbazar suv anbarınıñ benti qurudı .
"Küz mevsiminde yağmur az yağğanı sebebinden tabiat suv anbarlarına suv artıluvı azlşatı. Qarasuvbazar suv anbarınıñ eñ büyük miqdarına (deyerli 2 mln kub metr) baqmadan başqa suvlarğa köre, suv masrafları daa büyüktir", — dep bildirildi.
Qarasuvbazar suv anbarında suv seviyesi kritik şekilde tüşe. Фото: krymr.com
Qırımdaki suv anbarlarınıñ vaziyeti aqqında ne bilemiz
- İşğalciler Kahovka GESnıñ bentini patlatqan dört ay soñ Qırım yarımadası, suv buhranı telükesi astına tüşti. Qarasuvbazar suv anbarı ve Tayğan yapma gölü, leyha miqdarınıñ tek 32%-ine ve 16%-ine toludır.
- Bundan ğayrı GES patlağan soñ Qırım işğal akimiyeti, yarımadada suv teminatınen bağlı ciddiy meselelerni gizlemege başladı. Yerli sakinlerni içilir suvnen teminat aqqında laf etemiz.
- Ekim ayınıñ başında Qırım suv anbarları, tabiat suvlarından 62%ge tolu. Yarımadadaki quru ava vaziyetni zorlaştırır, suv anbarlarını doldurmaq içün yağmur pek az.
- Arman ayında Qırımnıñ işğal başı Serhiy Aksönov bildirdi ki, Şimaliy Qırım kanalında suv seviyesi yavaş-yavaş tüşe, anda suv yedegi tek üç ayğa yeterli olur.
- Şimaliy Qırım kanalı vastasınen Qırım içilir suvnen temin etilir. Bent patlağanı sebebinden kanal saylaşa bilir, çünki suv aşağığa aqımğa aqıp çıqa.
- Keçenlerde Şimaliy Qırım kanalı, Özü özenindeki Kahovka suv anbarından suv ala edi. Şu anda yoldaş fotoresimlerine köre, kanalğa suv bergen Özü özeniniñ yerlerinde suv quruy.
- MTMŞnıñ kâtibi Oleksaiy Danilov tüşüne ki, Kahovka GES patlağanı sebebinden yaqın üç-dört senege Qırım suvsız qalır, çünki yarımadağa suv teminatı tamamınen imkânsız olur.
Telegram, Viber ve Facebookta Suspilne Qırım haberlerine abune oluñız
