"Ateş" arbiy-partizan areketi, işğalciler tarafından qurulğan Qırımda "Kezlev — Saq" P-25 yolunıñ qısmında yalıda çoq mudafaa bünyesini taptı.
"Ateş", işğalcilerniñ mudafaa bünyeleriniñ foto ve videolarını yayınlap, öz Telegram kanalında bu aqqında haber berdi.
Şu cümleden, plâjlar rayonında ve o yerde partizanlar okoplarnı, mudafaa noqtalarını, qum ve beton bünyelerini, rus ordusınıñ arbiy tehnikasını taptılar.
"Añlaşılır ki, r*şistler, ukrain ordusından qorqaraq, Qırımnıñ ğarbiy yalısını pekitmege devam eteler. Rus propagandacıları, bunıñ Kezlev yalı kenarının rekonstruktsiyası üzerinde işler olıp-olmağanını israr eteceklermi?", — dep bildirildi.
"Ateş" areketiniñ Qırımdaki soñ areketleri aqqında ne bilemiz
- Orta küz ayınıñ 21-inde partizanlar, Canköy rayonınıñ Qamacı köyündeki ububat yedeginde rus ordusınıñ yerleşkeni büyük yerni taptılar.
- Orta küz ayınıñ 19-ında partizanlar haber berdiler ki, yaqın künlerde ruslar, siyasiy mabüslerni işğal etilgen Qırımdan Rusiyege ketirmege planlaştırırlar.
- Orta küz ayınıñ 15-inde işğal etilgen Kezlevde areket, işğalcilerniñ arbiy tehnikasınıñ gizli toqtama yerini taptı. Tehnika arasında top aletleri bar.
- Orta küz ayınıñ 11-inde Qırımda "Ateş", yaqarlıq-yağ malzemeleri yedeğini taptılar, anda tahminen sekiz avtosaqa buluna.
- Orta küz ayınıñ 10-unda qırım partizanları, işğalcilerniñ Kezlevdeki mudafaa ateş mevamını taptılar.
- Orta küz ayınıñ 9-ındqa olar, Qırımnıñ ortasına arbiy geminiñ ketirilmesini ögrendiler.
- Orta küz ayınıñ 5-inde qırım partizanları ayttılar ki, işğal etilgen Qırımdaki Kefe yanında işğalcilerniñ qale bünyelerine gizli tarzda kirdiler.
- Orta küz ayınıñ 4-ünde "Ateş" Aqmescit rayonınıñ Mazanka köyünde rus askerleriniñ gizli yedegini taptı.
Telegram, Viber ve Facebookta Suspilne Qırım haberlerine abune oluñız
