İşğal etilgen Qırımda "Ateş" arbiy-partizan areketi, tahminen sekiz avtosaqanıñ bulunğanı yaqarlıq-yağ malzemeleri yedegini taptılar.
Öz Telegram kanalında "Ateş", bu aqqında haber berdi.
Keriç rayonınıñ İçki şeer şeklinde qasabasında (keçkende Sovetskiy rayonınıñ Sovetskiy şşq.) Pervomayska soqağında mezkğr yedek tapıldı. Partizanlarnıñ bilgilerine köre, bazıda yedekke yaqarlıq ketirilir.
"Ateş"niñ Qırımdaki soñ areketleri aqqında ne bilemiz
- Ekim ayınıñ 5-inde qırım partizanları ayttılar ki, işğal etilgen Qırımdaki Kefe yanında işğalcilerniñ qale bünyelerine gizli tarzda kirdiler.
- Ekim ayınıñ 4-ünde "Ateş" Aqmescit rayonınıñ Masanka köyünde rus askerleriniñ gizli yedegini taptı.
- "Ateş" arbiy-patriot areketiniñ iştirakçileri ve Aqyar şeeriniñ lâqaytsız sakinleri, berim ayınıñ 22-sindeki RF Qaradeñiz flotunıñ stabına raketa ücümini idare etmege yardımcı oldılar.
- Qırım partizanlatı ögrendiler ki, öz reberliginden internet teminatçıları, Bağçasaray rayonında ukrain taraflı qullanıcılar üzerinde kontrolnı arttırma emrini aldılar. Olar, Rusiye Federal telükesizlik hızmetine şübeli insanlar aqqında bilgilerni yollamalılar.
2023 senesi berim ayınıñ 7-sinde kommunizmlaştıruv ve Qırımnıñ yañı rayon bölünmesini kirsetüvnen bağlı "Ukrainanıñ bazı qanun çıqarıcı aktlarına Qırım MCniñ memuriy-topraq tarzınen bağlı ayrı meselelerni çezmege dair deñişmelerni kirsetüv aqqında" qanun aqqını qazandı. 14 rayon yerinde yarımadada yañı 10 rayon peyda oldı: Bağçasaray, Qarasuvbazar, Canköy, Kezlev, Keriç, Qurman, Or Qapı, Aqmescit, Kefe ve Yalta rayonları.
Telegram, Viber ve Facebookta Suspilne Qırım haberlerine abune oluñız
