Qırım işğal makemesi tarafından 17 senege maküm etilgen qırımtatar faalcisi, Qırımtatar Milliy Meclisiniñ başınıñ muavini Nariman Celâl, Rusiyedeki Krasnodar kray müstemlekesine etap etilecek.
Siyasiy mabüsniñ apayı Leviza Celâl, “Qırım birdemligi”ne bu aqqında haber berdi.
Onıñ sözlerine köre, aqayını Aqmescitteki 2. SİZOdan Krasnodar kraydaki Rusiye Federal ceza hızmetiniñ Başidaresiniñ Minusınsktaki apishanesine (Horkoho soqağı, 114) ketirecekler.
"Narimandan iç bir haber yoq. Onıñ ne yerde olğanını, qaysı etpata, qaysı şeerde bulunğanı, sağlıq alı nasıl olğanını tamamınen belli olmay. Tama etap ceryanında telefon ete ve özü aqqında haber bere bilecegine ümüt eterek, onıñ içün "Zonatelekom" kartını aldıq. Amma men tüşünem ki, olarnı anda nasıldır mahsus bloklarda oturtqanlar ve bunı yapmağa imkan bermegenler", — dep Celâl ayttı.
Onıñ aqayını, Celâlnen bir davada maküm etilgen Aziz Ahmetovnıñ bulunğanı müstemlekege etap etecekler. Azizniñ qardaşı Asannı Vladimirdaki başqa müstemlekege yolladılar.
Nariman Celâl aqqında ne bilemiz
- Anğara köyünde gaz borusını patlatmağa şübege mücibi 2021 senesi berim ayınıñ 3-ü ve 4-ünde Aqmescit ve Kezlevde beş qırımtatar adamı tutuldı — iş adamı Eldar Odamanov, Aziz ve Asan Ahtemov, Şevket Üseinov ve Qırımtatar Milliy Meclisiniñ başınıñ muavini Nariman Celâl.
- Berim ayınıñ 6-sında işğal "makemesi", tutulğan qırımtatar adamlarını tevqif etti.
- Berim ayınıñ 22-sinde Nariman Celâlnıñ qabaatınıñ küçüni arttırdılar, davasını teşkil etilgen taqım terkibindeki diversiyağa deñiştirdiler. Buna köre oña 12-20 senelik müddet almaq mümkün. Bundan ğayrı, teşkil etilgen taqım terkibinde patlayıcı malzemelerni qanunsız aluv, berüv, saqlanuvda qabaatlana. FSB haber berdi ki, 2021 senesi arman ayınıñ 23-ünde Aqmescit yanındaki Anğar köyünde gaz borusını patlatmağa şübelengendir.
- Boş aynıñ 8-inde oña yañı qabaatlamalar bildirdiler — "patlayıcı alet qaçaqçılığı"
- 2022 senesi berim ayınıñ 21-inde işğal Qırım Yuqarı makemesi, gaz borusını patlatuv davasında Celâl, Asan ve Aziz Ahtemovnı maküm etti. Olarnı 17, 15 ve 13 senege maküm etti.
- Qanunsız olaraq tevqif etilgen Celâl, Ahtem ağalarınıñ apayları, "Qırım Yuqarı makemesi"niñ ükümini tefsir ettiler. Celâlnıñ apayı añlattı ki, ükümni onı tamam şaşırmadı, çünki adliyeniñ mevcut olmaması kösterdi ki, adayı ve Ahtemov ağalarına qarşı dava sahte ve siyasiy sebeplidir.
- Celâlnı eki ayğa tevqif etken işğal etilgen Aqmescitten "makemeci", qıdırılğan olaraq tanındı.
Telegram, Viber ve Facebookta Suspilne Qırım haberlerine abune oluñız
