Ekim ayınıñ 9-ında Qırım suv anbarları, tabiat suvlarından 62%ge tolu.
İşğal etilgen Vernadskıy adına QFUniñ suv teminatı, suv bermesi ve sanitar tehnika bölüginiñ başı İllâ Nikolenko, RİA “Qırım haberleri”nden “Qırımda yoldaş” propaganda radiosınıñ canlı yayınında bunı bildirdi.
"Berim ayı devamında tabiat suvları anbarında tahminen 157 million kub mert suv bar. Bu miqyas, 19 millionğa azlaştı. Yani bu, tolu miqyasnıñ tahminen 62%-idir”, - dep añlattı o.
Nikolenko qoştı ki, Aqmescitke suv bergen suv anbarları, 53 mln kub metrge tolu. Berim ayında olarnıñ miqdarı 4 mln kubğa azlaştı. Yaltada ğayıplar aynı, suv anbarlarınıñ umumiy miqdarı 28 mln kub metrdir. Aqyarda tolulıq 44 mln kub metrdir, yani 5 million kubğa azlaştı.
“Suv tehnologiyaları” rus ilmiy-istisal şirketiniñ müdiri Anatoliy Kopaçevskıynıñ qayd etkenine köre, şu anda suv aqımı azlaştı.
"Biz, tüşken sızıqtamız ve seviye köterilse de, o küçük olur ve azlaşır", — dep ayttı o.
Qırımdaki suv anbarlarının vaziyeti aqqında ne bilemiz
- İşğal etilgen Qırımda yarımadanı suv telükesizligi içün eñ büyük ve startegik tarzda müim Qarasuvbazar suv anbarında suv seviyesi pek tez tüşe.
- Berim ayınıñ başında qırım suv anbarlarınıñ miqdarı, keçken senege köre 20 million kub metrge tüşti.
Telegram, Viber ve Facebookta Suspilne Qırım haberlerine abune oluñız
