Qırımtatar Milliy Meclisiniñ Başınıñ birinci muavini Nariman Celâl, Aziz ve Asan Ahtemov Qırımdan mecburen çıqarılıp, rus apishanesine etap etildi.
Nariman Celâlovnıñ apayı Leviza, ZMINA insan aqları merkezine bu aqqında haber berdi.
"Bugün Nariman, Asan ve Aziz Qırımdan mecburen çıqarılıp, apishanelerge etap etildi. Nariman içün Qırımdan çıqmaq kere qadar zor olğanın tasavvur etemem, çünki onıñ Vatan sevgisi bitemez. Qorqutmalarğa baqmadan o, qalğan ve Qırımda serbest ve namuslı şekilde yaşama aqqı içün küreşken insanlar arasındadır", – dep Leviza Celâlova bildirdi.
O qayd etti ki, yaqın insanlarnıñ esirlikte qanunsız bulunmalarını qolaylaştırmqa içün eki senelik küreş devamında, qırımtatarlarğa qarşı sahte davalarnı açqan insanlarnıñ ne qadar namussız ola bilgenini kördi.
"Narimzannıñ SİZOda bulunğanı bir qaç soñ afta da namussızlıqnen bittiler – aqqına saip olmağanına baqmadan mektüpler ve telefon vastasınen onen laf etmege mania oldılar", – bu aq, sadece SİZOnıñ şahsiy inanmaları sebebinden kerçekleştirilmegenini qayd etip, siyasiy mabüsniñ apayı añlattı.
Buña baqmadan advokatnen laf etkende Nariman Celâl aqrabalarına ayttı ki, onıñ ailesi – onıñ küçü ve sanikligidir.
"Ve bu küçüniñ bitmemesi ve aksine artması içün mümkün olacaq er şey yapacağım. Keçkende kibi biz, taqdirimizge berilgen bu zor yolnı beraber keçirecekmiz. Ve iç bir şeye baqmadan, ne qadar zor olmağanına ve ağrı çekmeycegimizge baqmadan biz külecekmiz ve ağlaycaqmız, bu yalan üstünde olacaqmız", – dep Leviza qayd etti.
O eminligini bildirdi ki, onı apishanege qanunsız olaraq oturtqan insanlar farqında onıñ aqayı, bütün çağıruvlarnı cesaretnen keçirecektir.
Advokatnen soñ körüşüvde Nariman bu zaman devamında o, oğlanlar ve ailelerini destek etken ve yardım etken er keske açıq göñülden minndetdarlıq sözlerini bildirmege rica etti", – dep siyasiy mabüsniñ apayı hulâsa çıqardı.
Nariman Celâlov ve Ahtemov ağaları aqqında ne bilemiz
- Nariman Celâlov, 2016 senesi Rusiye tarafından "aşırıcılıq teşkilâtı" olaraq tanınğan Qırımtatar Milliy Meclisiniñ başınıñ muavinidir. Aziz v Asan Ahtemov, qırımtatar faalcileridir.
- Anğara (Perevalnoye) köyündeki gaz borusını patlatmaqta şübege mücibi berim ayınıñ 3-ü ve 4-ünde Aqmescit ve Kezlev şeerlerinde beş qırımtatar adamı tutuldı – Eldar Odamanov, Aziz ve Asan Ahtemov, Şevket Useinov ve Qırımtatar Milliy Meclisiniñ başınıñ muavini.
- Berim ayınıñ 6-sında işğal "makeme"si, tutulğan qırımtatar adamlarını tevqif etti.
- 2022 senesi berim ayınıñ 21-inde böyle degen Qırım yuqarı makemesi, Qırımtatar Milliy Meclisiniñ başınıñ birinci muavini olğan Nariman Celâlovğa, içtimaiy jurnalist olğan Asan Ahtemovğa ve eki domuş ağası Aziz Ahtemovğa üküm çıqardı.
- Celâlov, şeddetli rejimli müstemlekege 17 senege maküm etildi, 700 biñ rublelik para cezası ve 1,6 senelik ketme sıñırması berildi.
- Asan Ahtemov 15 senege maküm etildi, 500 biñ rublelik para cezası ve 1 senelik ketme sıñırması berildi.
- Aziz Ahtemov 13 senege maküm etildi, 500 biñ rublelik para cezası ve 1 senelik ketme sıñırması berildi.
- 2023 senesi bozarğan ayda Qırımtatar Milliy Meclisiniñ başı Refat Çubarov bildirdi ki, Aqmescitteki 2. SİZOnıñ memuriyeti, Celâlov ve Ahtemov ağalarına qarşı maneviy ve bedeniy şekilde azaplay.
Telegram, Viber ve Facebookta Suspilne Qırım haberlerine abune oluñız
