Rusiye Qaradeñiz flotunıñ Aqyardaki ştabına raketa ücümi neticesinde 34 rus zambiti öldi, büyük desant gemisi "Minsk" bozulğanı içün işğalciler, taqımınıñ 62 azasını coydılar.
Telegramda Ukraina Silâlı Quvetleriniñ Mahsus operatsiyalar quvetleri, bu aqqında haber berdiler.
"Kelecek kün "Minsk" BDK, arbiy nevbetçilikke ketecek edi ve bunıñ içün taqımı BDKda buluna edi. İşğalciler, 62 insanını coydılar. RF QD flotunıñ ştabına ücüm yapılğan soñ 34 zambit öldi, olar aralarında RF QD flotunıñ komandanı edi. Daa 105 işğalci yaralandı", – dep bildirildi.
Aynı zamanda MOQ qoştılar ki, Qaradeñiz flotunıñ ştabı binası yañıdan qurulmaz.
RF QD flotunıñ Aqyardaki ştabına raketa ücümi aqqında ne bilemiz
- Berim ayınıñ 22-sinde Aqyarda bir qaç şiddetli patlama duyuldı. İşğal akimiyeti, Rusiye Qaradeñiz flotunıñ ştabına raketa ücümi aqqında haber berdi. Bundan evel işğal etilgen yarımadanıñ sakinleri, Suspilnege Qrımnıñ farqlı yerlerinde bir qaç patlama aqqında haber berdiler.
- Bundan soñ RF Mudafaa nazirligi bildirdi ki, Aqyarğa ücüm vaqtında Ava mudafaası sisteması, beş raketanı tüşürdi. Aqyarğa raketa irişip patlanğan soñ ava telükesi ilân etildi ve şeerniñ merkezi bloklandı. Birazda USQniñ StratKom, RF Qaradeñiz flotunıñ komandan ştabına ücümni tasdıqladı.
- Ukraina Arbiy Aava Quvetleriniñ malümatına atıf eterek, Sky News haber berdi ki, Büyük Britaniyanıñ bergeni Storm Shadow uzaq raketaları vastasınen ücüm yapıldı.
Telegram, Viber ve Facebookta Suspilne Qırım haberlerine abune oluñız
