RF Federal hızmetiniñ işçileri, işğal etilgen Qırımdaki demiryolda diversiyanı evelden yoq ettiler. Sanki Ukraina arbiy istihbaratınıñ emrine köre, Aqyar şeeriniñ sakini onı azırlay edi.
Rusiye Federal telükesizlik hızmetiniñ matbuat hızmetine atıf eterek, TARS bu aqqında haber berdi.
"Qırım Cumhutiyertinde yarımadanıñ naqliyat astyapısı obyektlerinden birinde diversiya-terrorcılıq aktınıñ azırlanması toqtatıldı. Onıñ maqsadı arbiy teminatnı bozmaq edi", — dep bildirildi.
Qayd etildi ki, işğalciler 1978 senesi doğğan Aqyar şeeriniñ sakini ve RF vatandaşını tuttılar. Sanki Ukraina arbiy istihbaratınıñ emrine köre şübelengen adam, işğal etilgen yarımadada Rusiye Mudafaa nazirliginiñ obyektleri ve bölükleriniñ bulunğanları yerler aqqında malümat toplay ve demiryolu naqliyatı obeytkinde terorrcılıq aktını azırlay edi.
"Diversiya etmek içün adam tarafından donatılğan gizli yerde öz ellerinen yapılğan ve ecnebiy istisaliniñ plastik patlayıcı malzemesi esasında patlayıcı alet tapıldı", — dep rusiye mahsus hızmeti qayd etti.
RİA "Novosti"niñ yayınlağanı videoda tutulğan adam ayta ki, ukrain mahsus hızmetiniñ vekili messenger vastasınen onen bağlandı.
Tutulğan adamğa qarşı cinaiy dava açıldı, işğal makemesi onı tevqif astına tuta.
Telegram, Viber ve Facebookta Suspilne Qırım haberlerine abune oluñız
