RF vatandaşı Ukraina topraqlarına ketmege ıntılğanda Rusiye FSB tarafından tutuldı. İşğalciler bildiridler ki, adam USQe qatılmağa planlaştırğan.
RF FSBnıñ matbuat hızmetine atıf eterek RIA "Haberler" bu aqqında haber berdi.
Bildirildi ki, rus adamı Ukrainanen sıñırda tutuldı.
"Duşmannıñ tarafına keterek devlet hainligine azıralmağa qabaatlanğan Rusiye vatandaşı, Krasnodar kray sakininiñ qanunsız faaliyeti Rusiye Federatsiyasınıñ Telükesizlik Federal Hızmeti tarafından toqtatıldı", — dep bildirildi.
Rusiye müessisesiniñ bilgilerine köre, adam rus quvetlerine qarşı arbiy areketlerde iştirak etmek içün göñülli askerlerni azırlağan Ukraina Telükesizlik Hızmetinden çağırıcınen öz başına añlaştı.
Telegram, Viber ve Facebookta Suspilne Qırım haberlerine abune oluñız
