Berim ayınıñ 16-sında Lvivdeki Ukrain katolik universitetinde (UKU) qırımtatar ve arap tilleri kursları başlaycaq. Bu, milliy telükesizlik meselesi ve Ukrainanıñ Rusiyenen cenkte ğalebesini yaqınlaştıra bilir.
"Hromadske radio"ğa intervyu bergende UKUniñ Din ve cemaat institutınıñ müdiri Roman Nazarenko bu aqqında haber berdi.
Programmanıñ birinci qısmı, musulman Lvivinen ekskursiyanen 15 dersten ibaret olacaq.
"İştirakçiler, bu programmada oqumağa bittirecek soñ til bilgilerinden ğayrı, qırımtatat halqınıñ ruhu da añlamalarını ister edik. Qırım sakini olaraq menim içün bu pek müim", - dep ayttı o.
Müdirniñ sözlerine köre ocalar, UKUda bu eki tilniñ ögrenilmesiniñ eki perspektivasını köreler. Arapça ögrenmek - milliy telükesizlik meselesidir, çünki arap dünyasında sammitler keçirilir, islâm-arap dünyasınıñ ülkeleri ukrain esirlerini azat etmege de yardım eterler.
"Qırımtatar tilini ögrenmek — ğalebeniñ yaqınlaşmasıdır. Çünki öz mektep senelerimni hatırlayaraq, Qırımda qırımtatar halqınen bağlı çoq çeşit-türlü stereotip bar edi. Misal içün bu, yaşlar aralarında çoq gerginlik yarata edi. Olarnıñ nasıl millet olğanını ve Ukraina kontekstinde qaysı rol oynağanını soruna qadar añlamay ediler", - dep qayd etti o.
Bundan ğayrı, Nazarekno qayd etti ki, şu anda çoq insan qırımtatarlarnı añlamağa tırışalar, çünki tolu miqyaslı tecavuz vaqtında Ukrainanıñ bu tamır halqınıñ özüni nasıl köstergenini köreler.
"Bu, çoq vaqia çekken halqtır. Bunıñ içün çoq ukrainalı onı añlamağa istey. Ve ukrainalılar, bizde yaşağan bir halqnıñ öz tili ve medeniyetini tarqatmağa istegenini eşitkende buña kergin cevap berirler. Ve mümkün olğan er vastanen yardımcı olırlar. Çünki şimdi biz, onıñ nasıl olğanını öz başınen añladıq. Bunıñ içüm yahşı bir añlamda bu medeniyetke yardım etmege ve onı yahşıca añlamağa romantik istek bar", - dep añlattı o.
Telegram, Viber ve Facebookta Suspilne Qırım haberlerine abune oluñız
