İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) cedvelniñ dört nevbetiniñ episi boyunca da elektrik kesildi. Şeerde elektrik teminatınıñ sıñırlamaları büyük miqdarda ola.
İşğalli «Sevastopolenergo» müessisesi bunı bildirdi.
İşğalli idareniñ malümatına köre, Sevastopolğa qoşma quvetni boş aynıñ 6-nda saat 18:00-ge qadar ayırmağa planlaştıralar. Bu, qullanıcılarğa elektrik teminatını tiklemege ve cedveller boyunca elektrik bermege imkân bermek kerek.
Qırımda ve Sevastopolda (Aqyarda) elektrik teminatı sıñırlanmaları, soñki künlerde yarımadadan tışarıda olğan bir qaç qazadan soñ, devam ete.
İşğalli «Krımenergo» bildirgen edi ki, elektrik meskün yerlerge ağlarnıñ tehnik imkânlarına köre berile, sıñırlandıruv cedvelleri ise vaqtınca quvette degil. Aynı zamanda işğalli müesseselerniñ iddiasına köre, ictimaiy ceetten müim olğan obyektlerniñ elektrik teminatı temin etilgen.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
