Qırım energetika sistemasında esas elektrik magistarl ağlarında qaza sebebinden quvet qıtlığı devam ete. Elektrik energiyası meskün yerlerge elektrik energiya tehnikiy imkânlarına köre berile.
İşğalli «Krımenergo» müessisesi bunı bildirdi.
O qayd etti ki, bütün kerekli hızmetler tiklev işlerine celp etildi. Aynı zamanda elektrik teminatını sıñırlav cedvelleri vaqtınca çalışmay.
Soñki künlerde yarımada tışında olğan bir qaç qazadan soñ Qırımda ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) elektrik energiyasınıñ berilüvini sıñırlamağa devam etelerler.
Aluştada elektrik teminatı sıñırlanğanı sebebinden, elektrik kesilgen vaqıt qazanhaneler toqtatılacaq. Şeerniñ işğalli tek nebetçi-dispetçer hızmeti bu aqqında haber berdi. O bildirdi ki, vaqtınca sıñırlavlar boş aynıñ 6-nda saat 6:00-dan başlap çalışacaq. Evlerde elektrik kesilüviniñ devamlığı ve vaqtı ağlardaki elektrik energiyasınıñ bölünmesine bağlı olacaq.
Sevastopolda (Aqyarda) da elektrik teminatını vaqtınca sıñırlav rejimi ilân etildi. «Sevastopolenergo» işğalli müessisesi bunı şeer tışındaki elektrik ağlarnıñ aşırı qullanılmasını eksiltmek ve energetika sistemasında qazağa yol bermemek kerekliginen añlattı.
Müessiseniñ malümatına köre, Sevastopolğa (Aqyarğa) kelgen elektrik energiyası cedvellerge köre berilmek içün yeterli degil.
Bundan ğayrı, boş aynıñ 6-nda Qırımnıñ bir qaç rayonında ağlarda qaza-tamir işleri sebebinden suv teminatı sıñırlanacaq. İşğalli «Qırım suvı» müessisesi bunı bildirdi. Sıñırlavlar tesir etecek meskün yerlerniñ cedveli haberde qayd etilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
