İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda), Rusiye quvetçileri tarafından «Professional» Harkiv tiller mektebiniñ esasçısı ve oquv müdiri Oleksandra Kazarovıtska (Kolesnikova) tutulğan soñ vefat etti. Üç ay devamında izolâtorda tutuldı. İşğalciler onıñ «özüni öldürgeni»ni bildirdi.
Boş aynıñ 4-nde «Professional» tiller mektebi Facebookta bu aqqında haber etti.
«Büyük bir keder ile bildiremiz: «Professional» mektebiniñ qurucılarından biri ve oquv müdiri (Director of Studies) Oleksandra Kazarovıtska (Kolesnikova) vefat etti. Onı Rusiye öldürdi. <... > Saşa arbiy hızmetçiniñ qorantasından kele ve balalıqta ana-babasınen beraber bütün Sovetler Birligi boyunca seyaat etti. Babam pensiyağa çıqqan soñ, Sevastopolda bir daire aldı. Saşa özü ise, büyük ayatınıñ çoqusını Harkivde, qartana ve qartbabası yaşağan yerde keçirdi», — dep aytıla haberde.
Mektepniñ malümatına köre, 2026 senesi yazda Harkivli qız ana-babasına Qırımğa köçmege yardım etmek içün keldi. İşğal etilgen yarımadada bulunğan vaqıt Rusiye quvetçileri onı Rusiye Federatsiyasınıñ Ukrayinağa istilâsınıñ başında göñülli ile yazışqanı içün tuttılar.
Tiller mektebi bildire ki, qadın apiske alınğan soñ üç ay devamında mahkemeni beklep, izolâtorda tutuldı. Daa soñra onıñ ölümi aqqında belli oldı, Rusiye tarafı onı «özüni öldürüv» dep tanıdı. Kazarovıtskanıñ qızı Alisa ve aqayı Oleksiy qaldı.
«Yazda Saşa vesiqa resmiyleştirmege ketti, çünki formal olaraq bu ülkeniñ vatandaşı edi. Telefon tarihını sildi, amma tolu miqyaslı tecavuz başında bir göñülli ile subet qalğan. Bir kişilik kamerada üç ay. Mahkeme beklegen edi. Ve 10 kün evel "özüni öldürdi". Onı Sevastopolda kömdiler», — añlatttı Oleksandranıñ işdeşi İrına Salnık.
Onıñ sözlerine köre, Harkivli ukrayin edebiyatını ögrendi, ukrayin tilini yahşılaştırmağa çalışa edi, tail ve sanat leyhalarında iştirak etti. Salnık qoştı, soñuna qadar Oleksandra tiller mektebini inkişaf ettire be başqalarğa yardım ete edi.
«Böyle bir işbirlikten malümat izi qaldı — "Şimdi, bekle!" oyunımnıñ ingliz tili versiyası. Şasa tercime etti. <...> Bazar künü Harkiv budda merkezinde Saşa içün Phova olacaq», — dep añlattı o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
