Kün devamında, boş aynıñ 4-nde, Rusiye ava mudafaası işğal etilgen Qırımda ve Rusiye toprağında 46 dronnı «yoq etti».
RF Mudafaa nazirligi Telegramda bunı bildirdi.
«Kün devamında, Moskva vaqtına köre saat 8.00-den 20.00-ge qadar, nevbetçi AMS quvetleri Belgorod, Brânsk, Kursk, Samara, Saratov, Sverdlovsk, Tümen, Ulyanovsk vilâyetleri, Moskva bölgesi, Perm ülkesi, Başqırtistan Cumhuriyeti, Qırım Cumhuriyeti ve Tatarstan Cumhuriyeti toprağı üzerinde 46 ukrayin dronını yoq etti», — dep qayd etildi haberde.
Bundan ğayrı, saat 19:14-te işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayev ava telükesini ilân etti. O, şimdi de devam ete.
Evel USQniñ Baş Ştabı bildirgen edi ki, Ukrayina Mudafaa Quvetleri işğal etilgen Qırımda Rusiyeniñ eki «Pantsir» AMS raketa-top kompleksine ve duşmannıñ ateş gruppasına zarar ketirdi. Ücümler boş aynıñ 3-nde ve 4-ne keçer gecesi etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
