Ukrayinada işğalli Qırım akimiyetinen işdeşlik yapqan sekiz vatandaşqa qarşı sanktsiyalar kirsetildi. Olarnı duşmannen işdeşlik faaliyetiRF CQniñ 111-1-nci maddesiniñ 5-nci qısmınde ve RFa yardımRF CQniñ 111-2-nci maddesiniñ 1-nci qısmı etkeninde şübeleneler. Şübelengenler arasında işğalli Yalta idaresiniñ vekilleri bar.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
Taqiqatnıñ malümatına köre, sekiz şübelengen adam — Rusiyenen göñülli olaraq işbirlik yapqan Ukrayina vatandaşıdır. Hususan, olar 2024 senesi qanunsız «saylavlar»nıñ teşkil etilmesinde ve keçirilmesinde iştirak ettiler, soñra işğalli akimiyet tarafından yaratılğan organlarda vazife aldılar.
Sanktsiya altına tüşkenler arasında — işğalli «Yalta şeer şurası»nıñ «tasil, ilim, medeniyet, ana ve bala qorçalavı, yaşlar ve sport meseleleri eyyetiniñ reisi» bar. Prokurorlıqnıñ malümatına köre, o, Qırımda yaşlarğa tesir ete, tasil ceryanı vastasınen Rusiye medeniy laflarını tarqata.
Daa bir şübelengen insan «Yalta şeer şurasınıñ reisiniñ muavini» vazifesini tuta. Prokurorlıqnıñ iddiasına köre, işğalli akimiyetniñ menfaatlarında çalışmaqtan ğayrı, o, Ukrayinağa qarşı cenkleşken Rusiye arbiy hızmetçileriniñ ihtiyacları içün para toplavlarnı teşkil ete.
Bu areketlerniñ maqsadı, prokurorlıqnıñ fikrine köre, işğalli akimiyetniñ pekitmesine ve onıñ siyasiy rejimiñ yarımadada tarqatılmasına yardım etmektir.
Uquq qorçalayıcı organlardaki menbalar Suspilne Qırımğa anonim şeklinde bildirdi ki, söz Maya Hujına, Veronika Oykina, Oleksandr Turovskıy, Arsen Ğrodskıy, Lüdmıla Martınük, Volodımır Dobrovolskıy, Oleğ Konstantinov ve Yevheniy Hrıçov aqqında yürsetile.
Ukrayina Prezidentiniñ 2026 senesi ilk küz ayınıñ 26-ndaki 960/2026 nomeralı fermanınen, 2026 senesi ilk küz ayınıñ 17-ndeki MHMŞMilliy Havfsızlıq ve Mudafaa şurasınıñ qararı şahsiy sıñırlandıruv çareleri tatbiq etmek aqqında quvetke kirsetildi. Umumen sanktsiya paketi Ukrayinanıñ vaqtınca işğal etilgen topraqlarındaki qanunsız «saylavlar» ile bağlı olğan 44 insanğa ait.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
