Boş aynıñ 4-nde vaqtınca işğal etilgen Qırımda elektrik teminatı sıñırlandıruvları quvette qala.
İşğalli Qırım reisiniñ mesleatçısı Oleg Krüçkov bunı bildirdi.
Onıñ sözlerine köre, energetika obyektlerinde tamir işleri devam ete. Qaza sebebinden yarımadada elektrik teminatı sıñırlandırıldı.
Kontakt ağında kerginlik olmağanı sebebinden boş aynıñ 4-nde Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) troleybuslar marşrutlarğa çıqmadı. Bu aqqında işğalli «Krımtroleybus» müessisesi bildirdi. Haberge köre, naqliyatnıñ bir qısmı benzin stantsiyalarında elektrik teminatındaki bozmalar sebebinden yaqıt alamadı.
Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) da troleybuslar marşrutlarğa çıqmadı. Reyslerniñ bir qısmını avtobuslarnen deñiştirdiler, dep bildirdi şeerniñ işğalli naqliyat departamenti.
Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) elektrik olmağanı sebebinden tramvaylar çalışmay. Onıñ areketini elektrik teminatı normallaşacaq soñ tiklemege planlaştıralar, dep bildirdi şeerniñ işğalli idaresi.
Energetika ağlarındaki qaza-tamir işleri sebebinden boş aynıñ 4-nde yarımadanıñ bir qaç meskün yerinde suv teminatı sıñırlandırıldı. İşğalli «Qırım suvı» müessisesi bunı bildirdi.
Simferopolda (Aqmescitte) suv berüvniñ muvaqqat cedveli kirsetildi — saat 06:00-dan 10:00-ğa qadar ve 18:00-den 22:00-ge qadar.
Yedi Quyu rayonınıñ ayrı meskün yerlerinde de suv cedvel boyunca berilecek — saat 06:00-dan 10:00-ğa qadar ve 17:00-den 21:00-ge qadar.
Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) sıñırlandıruvlar Çelnokivskıy massivine ait. Anda suv saat 06:00-dan 13:00-ke qadar ve 17:00-den 22:00-ge qadar berilecek.
Bundan ğayrı, boş aynıñ 4-nde Aluşta, Yevpatoriya (Kezlev), Keriç, Ermeni Bazar, Saq, Sudaq şeerlerinde, em de Bağçasaray, Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Canköy ve Qurman rayonlarında suv teminatı sıñırlandırıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
