İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) «Ateş» arbiy-patrizan areketiniñ agentleri rusiye ava mudafasınıñ radiotehnik polkunı istihbarat ettiler. Radiolokatsiya cihazlarınıñ bulunğan yeri, tenhika ve askerlerniñ areketleri aqqında toplağan malümatnı Ukrayina Mudafaa quvetlerine berdiler.
Boş aynıñ 2-nda areket Telegramda bunı bildirdi.
Areketniñ malümatına köre, agentler Fiolent burnunda yerleşken №85683 arbiy qısımnı teşkerdiler. Anda rusiye ordusınıñ AMSnıñ 3-nci radiotehnik polku yerleşe.
Bu bölük Qırım ve Qara deñiz üzerindeki ava boşluğını radiolokatsita vastasınen nezaret ete. Onıñ vazifesi — ava maqsatlarını tapıp, Sevastopoldaki arbiy obyektlerni ve RF Qara deñiz flotunı qoruğan ava mudafaasına esaplanğan malümatnı bermektir.
«Nezaret vaqtında radiolokatsiya antenalarınıñ bulunğan yeri, tenhika, askerlerniñ areketleri ve topraqnı qoruvnıñ teşkil etilmesi qayd etildi», — dep bildirdi «Ateş».
Areket qayd etti ki, Ukrayina Mudafaa quvetlerine bütün bilgiler endi berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
