Orta küz ayınıñ 29-nda Lesâ Ukrayina Milliy akademik dramatik teatrında (Anastasiya Levkovanıñ romanına köre) «Or Qapudan topraq bar» oyunınıñ premyerası olıp keçti.
Yazıcı Suspilne Qırım jurnalistleri ile teatr adaptatsiyası aqqında öz teessuratınen paylaştı.
«Bu — roman müellifi olaraq menim içün ve bu romanğa köre teatr oyunını yaratmaq ğayesi olğan rejisör (İğor Biluts) bir bayramdır ve bu iş yerine ketirildi. Men rejissör ve taqımnıñ, ev bütün teatrnıñ temel işini, oyunda eñ müim olğan qırımtatar medeniyetiniñ, qırımtatar elementiniñ olması içün organik olması, aşırı olmaması içün işini pek begendim», — dedi yazıcı.
Anastasiya Levkova añlattı ki, teatr taqımınıñ qırımtatar halqınıñ medeniyetini nasıl yaratqanı ayrı bir müit yarattı.
«Men tüşündim ki, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman) qırımtatar teatrında böyle olur edi, amma şimdi Kıyivniñ merkezinde, Lesâ Ukrayinka teatrında böyle ola. Oyunda, aktörler arasında, qırımtatarlar olmasa da, muzıka qırımtatar (Usein Bekirov) tarafından yazılğan, muzıka müdiri — qırımtatar (Dilâver Osmanov), horeografiya qırımtatar (Elnara Halilova) tarafından yaratıldı, baş mesleatçı — qırımtatar (Alim Aliyev), akötler ve bütün taqımnı qırımtatar medeniyetinen, tilinen (Mamure Çaban aktörlerge til derslerini berdi) tanıtqan çoq araştıcı bar edi», — añlattı Anastasiya.
Kitap metininiñ uyğunlaştırılmasına kelgende, yazıcı rejissörniñ hronologiyasını saqlamasa da, İğor Biletsniñ buña nasıl etip çalışqanını sevgenini ayta.
«Süjette İğor Biletsniñ metinlernen yapqan işi maña pek hoş keldi. O, hronologik olmağan şekilde süjet kösterdi. Men öz romanımda ne olğanını hatırlayım, amma o, mevzular boyunca gruppalaştıra. Belli bir cümleler, adiseler, vaziyetler — bir şey başından ve soñundan alına bile edi, amma bu aynı bir mevzu. Men romannı qısqartmaq içün, bilerek faqlı yerlerni saylay edim. Amma men añlayım ki, oyun — bu bam-başqa bir sanat çeşiti. Ve bu pek kelişikli yapıldı, bu hronologik şekilde ketmey», — dedi yazıcı.
Anastasiya dey ki, teatrniñ esas mevzusı — Rusiye medeniyeti ve onıñ cinayetleri bu cenk ve evelki işğaller kontekstinde.
«Ve men bellesem, bu mevzunı bütünley köstere. Bu, aman-aman bir asır devamında "rus draması teatrı" olğan, amma şimdi bu esasnı deñiştirgen Lesâ Ukrayinkanıñ adı içün kelişmegen, mektüplerden körüngenine köre, em Kıyiv içün, em de umumen Ukrayina içün rus medeniyetine iç bir qıymet kesmegen Lesâ Ukrayinka teatrı içün pek aktualdir.», — qayd etti «Or Qapudan topraq bar» romanınıñ müellifi.
İlk oyunlarğa biletler endi satıldı, amma ilk qış ayında teatr oyunnı üç kere kösterecegini vade ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
