Ukrayinada işğalli Qırım «arbitraj mahkemesi»niñ «mahkemecisi» devlet hainligi içün 14 yılğa mahküm etildi.
Ukrayina Havfsızlıq hızmeti bu aqqında haber berdi.
Tahqiqatnıñ malümatına köre, 2022 senesi ilk qış ayında o, mahkemeci vazifesine tayin etildi.
«Belli ki, cinayetçi qadın Kreml akimiyetiniñ cinaiy areketlerini qanuniyleştire ve istilâcı devletniñ menfaatlarına köre mahkeme qararlarını çıqara edi», — dep qayd etildi haberde.
Qadın Ukrayinanıñ vaqtınca işğal etilgen toprağında bulunğanı içün onı Ukrayinağa qarşı yapqan cinayeti içün mesüliyetke çekmek maqsadınen kompleksli tedbirler alına, dep bildirdi UHH.
Suspilne Qırımnıñ uquq qorçalayıcı organlardan menbasınıñ aytqanına köre, söz Darya Borısenko aqqında kere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
