Qırımda elektrik energiyasınıñ qullanuvı sıñırlandı. İşğalli energetikler, esas ağlarnen alınğan energiyanıñ miqdarı yeterli olmağanını bildirdiler. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) «üç saatten üç saatke» cedveline köre elektrik söndürmege vade eteler, Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ise qaza neticesinde 20-den ziyade soqaq elektriksiz qaldı.
Orta küz ayınıñ 28-nde işğalli «Krımenergo»nıñ saytında bu aqqında haber etildi.
«Qırım Cumhuriyetine magistral ağlar vastasınen berilgen elektrik energiyasınıñ yetersiz miqdarı yarımadanıñ ştat elektrik teminatını qullanmağa imkân bermey. Qırım Cumhuriyetiniñ bütün toprağında elektrik energiyasınıñ qullanuvı sıñırlana. Bu mecburiy, elektrik ağlarınıñ aşırı yüklenmesini yoq etmek içün, elektrik ağında qazalar olmamaq içün kerek olğan bir tedbirdir. Şimdi elektrik kesilüvi cedvellerine riayet etüv ve mevcut taqatnıñ musaviy bölüvi imkânsızdır», — dep qayd etildi haberde.
İşğal etilgen Sevastopol (Aqyar) sakinlerine «3 saatten 3 saatke» elektrik energiyasını söndürmege vade ettiler: 3 saatten 3 saatke elektrikniñ söndürüvi. Aynı zamanda şeer trolleybusları daa büyük vaqıt arasınen yürecek.
Bundan da ğayrı, qaza neticesinde işğal etilgen Yevpatoriyanıñ (Kezlevniñ) 20-den ziyade soqağı elektriksiz qaldı.
Bağçasaray rayonında ise saat 17:00-ğa qadar elektrik olmaycaq.
Orta küz ayınıñ 27-nde aqşam işğalciler, elektrik energiyasınıñ yetmemezligi sebebinden söndürüv cedveline riayet etmek mümkün olmağanını bildirdiler.
Hatırlatamız ki, orta küz ayınıñ 24-nde gece işğal etilgen Qırımda vaqtınca elektrik söndürildi. İşğalli akimiyet yarımadanıñ tışındaki elektrik ağlarında qaza olğanını bildirdi. Rusiye Federatsiyasınıñ Krasnodar ülkesinde 500/220 kV «Taman» elektrik ast stantsiyasında yanğın oldı. Bundan da ğayrı, saba maalinde yarımadadan internet areketi aman-aman yoq, yarımadanıñ bir qısmı alâ daa elektriksiz qala.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
