Orta küz ayınıñ 26-nda saat 11:22-de işğal etilgen Qırımnıñ yalı kenarında zelzele oldı. O, Qara deñizde, Kerç civarında, 10 km terenlikte qayd etildi.
Milliy seysmik közetüv sistemasınıñ Ukrayina Baş mahsus nezaret merkezi bu aqqında haber etti.
«2026 senesi orta küz ayınıñ 26-nda Mahsus nezaretniñ Baş merkezi tarafından Qırım, Ukrayina yalısı yanında 3,5 magnitudalı (Rihter cedveli boyunca), 10 km terenlikte zelzele qayd etildi. Zelzeleniñ tasnifine köre, o, aman-aman sezilmey edi», — dep bildirdi müessise.
2026 senesi yazda Qırım yalısında Qara deñizde bir qaç kere yerastı sarsıntıları qayd etilgen edi. Aynı vaqıtta orta küz ayınıñ 17-nde saat 09:57-de Bağçasaray rayonında 3,6 magnitudalı zelzele qayd etildi.
Hatırlatamız ki, Qırım — Ukrayinanıñ seysmik faal bölgesidir. Daa evel Suspilne Qırım muarririyeti, Qara deñiz bölgesinde yañı küçlü zelzele telükesi ne qadar ciddiy olğanını ve yarımada içün ne aqibetleri ola bilecegini ögrendi.
Ukrayina Arbiy-deñiz quvetleriniñ yedeginiñ 1-inci derece kapitanı Andriy Rıjyenko bildirdi ki, küçlü zelzeleniñ merkezi deñizde olsa, Qırım köprü de telüke altında qala bilir.
«Qırım köprü qurulğanda, ve tarih bayağı uzun edi, bu esnasnı toqtatqan esas faktor — tam bir zelzele ihtimali edi. Ve, misal içün, almanlar Ekinci Cian cenki vaqtında temeli qoyulğanda, olar tam bu sebepten vazgeçtiler», — dep qayd etti o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
