İşğal etilgen Qırımda orta küz ayınıñ 17-nde saat 09:57-de 3,6 baalı l zelzele qayd etildi. Yer altı sarsıntılarınıñ ocağı 11 kilometr terenlikte yerleşken edi.
Seysmik Közetüv Milliy Sistemasınıñ Ukrayina Mahsus Nezaret Baş Merkezi bunı bildire.
«2026 senesi orta küz ayınıñ 17-nde Mahsus Nezaret Baş Merkezi Ukrayinanıñ Qırım MC toprağında 3,6 baalı (Rihter cedveli boyunca), 11 km terenlikte yer sarsıntısını qayd etti. Yer sarsıntılarınıñ tasnifine köre, o, zor sezilgen yer sarsıntılarına kire», — dep idare bildirdi.
Evel yer altı sarsıntıları Qara deñizde, Qırım yalısı yanında bir qaç kere qayd etilgen edi.
Evel Suspilne Qırım muarririyeti, Qara deñiz bölgesinde yañı küçlü yer sarsıntıları telükesiniñ ne qadar ciddiy olğanını ve olarnıñ yarımada içün ne kibi neticeleri ola bilecegini ögrengen edi.
Ukrayina Deñiz Quvetleriniñ yedeginiñ 1-nci dereceli kapitanı Andriy Rıjenko Suspilne Qırımğa añlattı ki, eger küçlü yer sarsıntısınıñ merkezi deñizde olsa, Qırım köprü de telüke altında qala bilir.
«Qırım köprüni qurğanda, ve bu tarih olduqça uzun devam etken edi, bu ceryannı toqtatqan esas faktor, tam yer sarsıntısı imkânı edi. Ve, meselâ, Ekinci Cian cenki devrinde nimaeler temel bentlerini qoyğanda bile, tam bu faktor sebebinden vazgeçtiler», — dep о bildirdi.
Qırımdan ğayrı, Ukrayinanıñ seysmik faal bölgesi olaraq Karpatlar qala. Geofizika institutında qayd eteler: bar olğan doquz seysmologik stantsiyağa yañılarını qoşmaqnı planlaştıralar — Mıkolayiv ve Odesa vilâyetlerinde. Bu, Qırım yarımadasına potentsial tesir ete bilecek yer altı sarsıntılarını daa anıq izlemege imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
