İşğal etilgen Qırımda elektrik teminatı sıñırlanmağa devam ete. Hususan, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) «6 saatten 2 saatke» elektrik energiyasını söndürüv cedvelini kirsettiler.
Orta küz ayınıñ 26-nda «Novosti Krım» «Sevastopolenergo»ğa esaslanıp bunı bildirdi.
«Er eki saat devamında elektrik energiyası qullanıcılarğa berilgen dört nevbetten birinde yañıdan elektrik energiyası berile», — dep qayd etildi haberde.
İşğalli «Krımenergo» da bildirdi ki, Qırım sakinleriniñ evlerine elektrik energiyası ağlarnıñ imkânlarına köre berile.
Orta küz ayınıñ 24-nde saba bu qaza sebebinden işğalli Qırım yolbaşçısı Sergey Aksönov yarımadada suv ve elektrik sıñırlarını kirsetti. Aynı vaqıtta Sevastopolnıñ (Aqyarnıñ) büyük qısmı aqşamğa qadar elektrik energiyasını qaytarmağa planlaştırıla edi.
Hatırlatamız ki, «Ateş» arbiy-partizan areketiniñ bildirgenine köre, onıñ agentleri Canköyde «Shidna» ast stantsiyasınıñ telükesizlik sistemasını açtılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
