«ATEŞ» arbiy-partizan areketi, onıñ agentleri Canköyde «Shidnıy» ast stantsiyasınıñ qoruv sistemasını açqanlarını bildirdi.
Areket Telegramda bunı bildirdi.
«İşğalciler öz arbiy taqımını temin etmek içün Canköyniñ energetik sistemasını qullandılar. Mında «Canköy» arbiy ava limanı yerleşe, anda Rusiye Federatsiyası AQAva quvetleri ve AMSAva mudafaası sistemasınıñ 4-nci ordusınıñ 27-nci qarışıq aviatsiya diviziyasınıñ 39-ncı ayrı gvardiya vertolöt polkı yerleşe. Ava limanında Mi-8, Mi-35M, Mi-28 ve Ka-52 vertolötları yerleşe. O, arbiy uçaqlarnı qabul etmek, tehnikanı saqlamaq ve Rusiye ordusını temin etmek içün de qullanıla», — dep qayd etildi haberde.
Canköy elektrik merkezi defalarca zarar kördi
Canköy elektrik merkezi bir qaç kere zarar kördi.
- 2025 senesi ilk qış ayınıñ 14-nde — nezaret menbaları stantsiyanıñ zarar körgenini ve yanğın çıqqanını bildirdi.
- 2026 senesi qara qış ayınıñ 13-nde — stantsiyağa ücüm etilgen soñ yanğın çıqtı, Canköy şeeriniñ ve rayonınıñ bir qısmı elektriksiz qaldı.
- 2026 senesi ilk yaz ayınıñ 29-nda — 413-nci «Reyd» polkı, ast stantsiyasınıñ zarar körgenini bildirdi.
- 2026 senesi oraq ayınıñ 3-nde — nezaret menbaları, uçucısız uçaq aletleriniñ ücüminden soñ stantsiyada yañı yanğın aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
