Rusiyeniñ Rostov-na-Donu şeerindeki Cenübiy bölge arbiy mahkemesine işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ 32 yaşındaki sakini «devlet hainligiRF CQniñ 275-nci maddesi» ve «terror teşkilâtında iştirak etüvRF CQniñ 205.5-nci maddesiniñ 2-nci qısmı»de qabaatlanıp, cinaiy davannı baqmaq içün yolladılar.
Orta küz ayınıñ 22-nde Telegramda işğalli Sevastopol (Aqyar) prokurorlığı bunı bildirdi.
«Taqiqat»nıñ versiyasına köre, adam internet vastasınen Ukrayina Mudafaa nazirliginiñ Baş istihbarat idaresiniñ vekili ile bağ qurğan ve işbirlik yapmağa razı olğan.
«2025 senesi orta küz ayında Ukrayina mahsus hızmetiniñ hadiminiñ emrine köre o, Rusiye Federatsiyası Silâlı quvetleriniñ bölügini teşkerdi, bulunğan yerini foto ve videoğa çekti ve toplanğan malümatnı kuratorğa berdi», — dep qayd etildi haberde.
2026 senesiniñ başından işğal etilgen Qırımda eñ az 28 insan «devlet hainligi», «terroristik faaliyet», «patlayıcı maddelerniñ qanunsız satın aluvı, saqlavı, taşıması ve yanına alması» maddelerine istinaden qanunsız ükümler aldı, dep tarif etti Suspilne Qırımğa Qırım uquq qorçalayıcı gruppasınıñ reisi Olğa Skrıpnık.
Rusiye, VİETda Ukrayina vatandaşlarını muntazam surette taqip ete, «terrorizm», «aşırıcılıq», «casuslıq» ve «devlet hainligi» qabaatlavlarını qullana, dep tarif etti QRMniñ idarecisi Zarema Bariyeva. Onıñ aytqanına köre, tutulğan soñ ukrainlerni Rusiyeniñ «ekstremist ve terrorist» cedveline kirsete bileler, bu ise olarnıñ qorantaları içün de aqibet ola bile. Zulumğa oğrağanlar arasında tek erkekler degil de, qadınlar, gençler ve 75-78 yaşında insanlar da bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
