Ukrayinada işğal etilgen Qırımda qanunsız şekilde qurulğan «Yevpatoriya şeer mahkemesi»niñ mahkemecisi 10 yılğa mahküm etildi. İşğalden soñ yarımadanı terk etmege istemegen Ukrayina vatandaşını sürgün etüv qararın sebebinden o, cenk cinayetinde qabaatlı tanıldı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlıqnıñ malümatına köre, Qırım Rusiye tarafından zapt etilgen soñ qadın yarımadada qaldı, 2017 senesinden başlap ise işğalli akimiyet tarafından qanunsız qurulğan mahkeme organında çalışmağa başladı. O, Rusiye Federatsiyasınıñ adından ve menfaatları içün qarar ala edi.
Böyle qararlardan biri Qırım Muhtar Cumhuriyetinde yaşağan ve işğalden soñ yarımadanı terk etmege istemegen Ukrayina vatandaşınıñ sürgün etilmesinen bağlı edi. Onıñ sürgün etilmesiniñ resmiy sebebi «Rusiye toprağında qanunsız iş faaliyetini kerçekleştirgeni» oldı.
Prokurorlıq qayd etti ki, Ukrayina vatandaşlarınıñ işğal etilgen Qırımda qanuniy bulunmaq aqqı bar ve işğalli memuriyetten qoşma yaşayış izinlerine ihtiyacı yoq.
Qabaatlavnıñ malümatına köre, mahkemeciniñ qararı, işğal etilgen topraqlardan insanlarnı, sebeplerine baqmadan, mecburiy sürgün etmege yasaq etken halqara gumanitar uquqnıñ qaidelerini bozdı.
Mahkeme qadınğa 10 yıl apis cezasını berdi. Mahkeme mahsus mahkeme esanası olğan in absentia şeklinde ğıyabiy şekilde üküm çıqardı.
Suspilne Qırımğa uquq qorçalayıcı organlardan menbalar anonim şekilnde ile bildirdi ki, söz Kamenkova İrına Anatoliyivna aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
