Devlet tasviriy sanat müzeyi O. S. Puşkin adına Qadimiy dünya arheologiyası bölüginiñ reberine işğal etilgen Keriçte Pantikapey qadimiy şeeri toprağında qanunsız arheologik qazma işleri sebebinden cenk cinayeti işlegeniUkrayina Cinaiy Qanunnamesiniñ 28-nci maddesiniñ 2-nci qısmı ve 438-nci maddesiniñ 1-nci qısmınde şübe bildirdi. O, 12 yılğa qada mahküm etile bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
Prokurorlıqnıñ qayd etkenine köre, 2014 senesinden başlap ve bugünge qadar o, arheologik qazmalarnı medeniy miras obyektiniñ toprağında Ukrayina mütenasip organlarından izin vesiqaları olmadan keçire edi.
Bu, Keriçte Mitridat dağınıñ rayonında yerleşken milliy emiyetli mimarlıq abidesi olğan «Pantikapey qadimiy şeeri» arheologik kompleksidir.
Uquq qorçalayıcılarnıñ bildirgenlerine köre, qazma vaqtında şübelengen adam Ukrayina devletiniñ mülki olğan resimli bardaq ve amfor parçaları, qadimiy levhalar, tolduruv şekilleri, terakot eykelçikleri ve diger medeniy qıymetlerni taptı.
Soñra bu eşyalar «Şarqiy-Qırım tarihiy-medeniy müzey-qoruğı»na berildi. Tahqiqatnıñ malümatına köre, cenk cinayetinde şeklenilgeni aqqında evelden haber etilgen işğalli müessiseniñ yolbaşçısı tapmalarnıñ Rusiye Federatsiyası müzey fonduna kirsetilmesine yardım etti ve Rusiyede sergilerde taqdim etilmesini teşkil etti.
Suspilne Qırımğa uquq qorçalayıcı organlardan menbaları anonim şeklinde ile haber etkenine köre, söz Volodımır Tolstikov aqqında kete.
Ukrayina Anayasasına binaen, insan cinayet işlegeninde qabaatsız sayıla, amma qabaatı qanuniy şekilde isbatlanıp, mahkeme tarafından qabaatlav qararınen belgilene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
