«MATROS POZYNICH» Rusiye yük gemisiniñ kapitanına işğal etilgen Qırımdan Suriyege 54 biñ tonnadan ziyade ukrayin boğdayınıñ qanunsız çıqarılması sebebinden cenk cinayetinde şübe bildirdiler.
Baş prokurorlıqnıñ ofisi bunı bildirdi.
Tahqiqatnıñ malümatına köre, 2022 senesi boş ve 2023 senesi qara qış aylarında kapitan, geminiñ eki qanunsız kirişini Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) qapalı deñiz limanına temin etti. O yerde gemige, tahqiqatnıñ versiyasına köre, vaqtınca işğal etilgen Ukrayina topraqlarında Rusiye vekilleri qanunsız şekilde zapt etken boğday yüklediler.
2022 senesi boş ayda geminiñ birinci seferinde 27 074 tonna ububat alıp ketirildi, ekinci seferinde — 2023 senesi qara qış ayında — daa 27 300 tonna. Yükniñ umumiy miqdarı 54 374 tonna oldı. Buğday, Rusiye mahsulatı olaraq Suriye Latakiya limanına ketirile edi.
Tahqiqatnıñ malümatına köre, işğal etilgen Qırımğa ketken marşrutnı ve areketlerini gizlemek içün, kapitan AIS gemisiniñ avtomatik identifikatsiya sistemasını söndürdi ve bulunğan yeri aqqında yañlış malümat berdi.
Ukrayina havfsızlıq hızmeti qayd etti ki, kapitanğa cenk qanunları ve adetlerini bozğanıUkrayina Cinaiy qanunnamesi 438-nci maddesiniñ 1-nci qısmında ve vaqtınca işğal etilgen Ukrayina toprağına kiriş ve çıqış tertibiUkrayina CQniñ 332-1-nci maddesini bozğanında şübe bildirdiler.
Uquq qoruyıcılar diger ola bilecek iştirakçilerni de tapıp, kapitannı mesüliyetke çekmek içün tedbir alalar.
Ukrayina Anayasasına binaen, insan cinayet işlegeninde qabaatsız sayıla, amma qabaatı qanuniy şekilde isbatlanıp, mahkeme tarafından qabaatlav qararınen belgilene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
