Orta küz ayınıñ 19-nda işğal etilgen Qırımda furtuna havfı ilân etildi. Yaramay ava aqibetleri Yalta, Aluşta, Sudaq, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Prımorskıy şeerlerinde qayd etildi. Umumen, 12 ağaç ve direk tüşüvi qayd etildi. Eñ çoq yağanaq yarımadanıñ cenübiy yalısında yağdı.
İşğalli Qırım FVNFevqulâde vaziyetler nazirligi bu aqqında haber etti, dep bildirdi teşviqiy Rusiye KHV.
Umumen Aluşta, Sudaq, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta şeerlerinde ve Bağçasaray rayonında ağaç ve direklerniñ tüşmesi qayd etildi. Bundan ğayrı, Koreizde dağlardan kelgen şiddetli suvlar sebebinden azbar suvğa battı, dep bildirdi Qırım FVN. Eñ çoq yağanaq Qırımnıñ cenübiy yalısında — 200 mm, yel süratı 20 m/s — yağdı.
«Nazirlik»niñ malümatına köre, bugün yarımadada yağmurlar beklenile, bazı yerlerde küçlü, furtuna, cenübiy-ğarbiy yel 15-20 m/s qadar küçlenecek, bazı yerlerde 25 m/s qadar, ve özenlerde suv seviyesi artacaq.
«Sel özenlerinde küçük selniñ peyda oluv telükesi bar. Deñizge, dağlarğa çıqmaq, ağaçlar ve özenler yanında bulunmaq telükelidir», — dep qayd etildi haberde.
Sevastopolda (Aqyarda) küçlü yağmur ve furtuna neticesinde Okçakivtsiv soqağında bir ağaç yıqıldı, dep bildirdi işğalli şeer memuriyeti.
Aynı zamanda Aluştada ağaç yolğa tüşti, dep haber ete RİA «Novosti Krım» Rusiye teşviqat agentligi.
«Krım 24» işğalli yerli neşiri haber etkenine köre, saniyede 26 metr tezliginde kelgen furtunalı yel Prımorskıy köyüne ketken yolunıñ direklerini yıqtı. Qaza neticesinde köyniñ bir qısmı elektriksiz qaldı, lâkin elektrik endi qaytarıldı.
Neşir Sudaq ve Yalta şeerlerinde deñizde furtuna aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
