İşğal etilgen Qırımda planlaştırılğan yol tamirleriniñ bir qısmı 2027 senesine qaldırılacaq. Hususan, avtomobil yollarına asfalt qoymaq aqqında söz yürsetile. Sebebi — Rusiyeniñ Ukrayinağa qarşı cenk masraflarınıñ artqanı sebebinden.
İşğalli Qırım reisi Sergey Aksönov oturışta bu aqqında aytqan edi.
«Asfalt ve yol örtüsini qoyma işleri de dahil, bir qaç planlaştırılğan tedbir 2027 senesine qaldırıla. Bu, mudafaa ve telükesizlikni temin etüv masraflarınıñ artqanı sebebinden mecburiy bir çaredir. Amma belediyelerde taş qoyuv, greyderlev, yollardaki qaza telükesini yoq etüv aqqındaki bütün meseleler tolu şekilde yerine ketirilmek kerek», — dedi o.
Hatırlatamız ki, bu afta işğalciler Aluşta yanındaki aylanma yolnı açtılar. Onı 2023 senesi çeçek ayından berli qura ediler.
Aluştadaki yol. Telegram/Аксьонов
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
