Mudafaa quvetleri işğal etilgen Qırımnıñ Olenivka meskün yeri rayonındaki antenna cihazları ile eki telekommunikatsiya qullesi ücüm etildi.
Orta küz ayınıñ 16-nda USQniñ Baş ştabı Facebookta bu aqqında haber berdi.
«Qırım toprağında, Olenivka meskün yeri rayonında antenna cihazları ile eki telekommunikatsiya qullesi ücüm etildi», — dep qayd etildi haberde.
Baş ştabnıñ malümatına köre, 2026 senesi orta küz ayınıñ 15-nde ve orta küz ayınıñ 16-ncı gecesi ukrayin askerleri arbiy işni alıp bardılar.
Evel USQniñ Baş ştabı işğal etilgen Qırımnıñ Ğvardiyske rayonında Ukrayina Mudafaa quvetleri rusiye ordusınıñ uçuçcısız uçaq aletleriniñ (UUA) dört saqlav yerine zarar ketirgenini tasdıqladı. Askerlerniñ bildirgenlerine köre, saqlav yerlerinde eki kerelik patlav oldı, Rusiye ordusınıñ esas arbiy maqsatları ile iş devam ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
