Orta küz ayınıñ 15-nde Finnerty programmasında AQŞnıñ prezidenti Donald Trump Newsmax telekanalına intervyu bergende bildirdi ki, Qırım dört tarafta okean ile yuvuna.
İntervyu, kanalnıñ resurslarında yayınlandı.
«Qırım — elbette, Ukrayinanıñ eñ qıymetli qısmıdır. Dört tarafında okean. Tamam öyledir. Eñ güzel topraq damartısı. Men qurucım. Men bilem... men yahşı topraqlarnı bilem», — dedi Trump:
Bundan ğayrı, Trump bildirdi ki, onıñ içün Kreml başı Vladimir Putinden Ukrayina prezidenti Volodımır Zelenskıy ile iş alıp barmaq qıyın.
Alıp barıcı Ukrayinanıñ rusiye neft işlep çıqarıcı zavodlarına (NİçZ) ücüm etmege devam etkeni aqqında Trumptan soradı. Jurnalist qoştı ki, dünyada dizel yaqıtınıñ fiyatı pek yüksek, ve hatırlattı ki, Trump Zelenksiyni bunı daa yapmamağa rica etti. Trump, bunı yapmamağa rica etkenini tasdıqladı.
«Zelenskıy, bizim yahşı iş alıp barğanımız insan degil. Bidensabıq AQŞ prezidenti Joe Biden oña yüzlerce milliard dollar, milliard dollarlıq tehnika ve milliard dollar berdi», — dedi o.
Alıp barıcı Trumpnıñ Zelenskıyğa alâ daa inanıp-inanmağanını soradı.
«Men bellesem, soñunda olar añlaşırlar. Olar bunı onıñ ile yapmazlar. O añlaşmaq istemey. O, istegenini ayta, amma kerçekten de istemey. Yoq, men Zelenskıyğa inanmayım», — bildirdi Trump.
Cenkniñ onıñ prezident müddeti bitmeden evel bitip-bitmeycegi aqqında sorağanda Trump dedi ki, o, yaqın kelecekte bitmeli.
Trumpnıñ Qırımğa dair bildirmeleri
Hatırlatamız ki, bu, AQŞnıñ prezidentiniñ Qırımnıñ dört tarafında okeannen yuvunğanını ilk bildirmesi olmay.
Şu cümleden, 2025 senesi arman ayınıñ 9-nda Fox & Friends canlı yayınında Trump Qırımnı Ukrayinanıñ qalbi ve göñlü, Obama prezident olğanda Rusiye zapt etken eñ qıymetli topraq olaraq tanıdı. O bildirdi ki, yarımada dört tarafında okeannen yuvuna.
2025 senesi ilk qış ayınıñ 8-nde qayd etilgen ve ilk qış ayınıñ 9-nda derc etilgen Politicoğa intervyuda Trump Qırımnı eñ yahşı avanen güzel topraq olaraq tanıdı ve kene de okeannen yuvunğanını, qıtanen kiçik bir «liman» bağlanğanını ayttı. Bundan ğayrı, o, Obamanıñ Ukrayinanı yarımadanı bermege mecbur etkenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
