Qırımtatar Asan Çaruhov USQniñ Tibbiy quvetlerihususiy birleşme ve arbiy idare organı, askerlerniñ tibbiy teminatınen, yaralanğanlarnıñ tahliye etilmesinen, askerlerniñ tedaviylevinen ve reabilitatsiyasınen oğraşqan arbiy quvetler erkânındaniñ komandanınıñ muavini oldı.
Asan Çaruhov şahsen öz tayinlenüvi aqqında malümatnı Suspilne Qırımğa tasdıqladı.
Bu vazifeden evel Çaruhov Birinci ayrı tibbiy batalyonnıñ yolbaşçısı edi.
Asan Çaruhov Qırımda yaşadı, anda ortoped-traumatolog olıp çalıştı. Yarımada işğal etilgende 2014 senesi kiçik aynıñ 26-da Qırım parlamentiniñ divarları ögünde mitingde iştirak etti. Bir yıldan soñ işğalciler onı Keriçte tutıp aldılar, amma uzun sorğudan soñ azat ettiler.
Soñra Asan Sağlıq nazirliginde çalıştı, ve tolu miqyaslı istilâ başlağanda arbiy tibbiy hızmetke qoşuldı. O, 2022 senesi çeçek ayında Halqara legionınıñ tibbiyet hızmetiniñ yolbaşçısı olaraq celp etildi, 2025 senesi ise Birinci ayrı tibbiyet batalyonınıñ yolbaşçısı oldı.
2026 senesi arman ayında Ukrayina prezidenti Volodımır Zelenskıy tibbiy hızmetiniñ mayorı Asan Çaruhovnı «Ukrayina milliy efsanesi» devlet mukâfatınen taqdirledi.
Asan Çaruhov V dereceli Yaroslav Mudrıy ordeninen de mukâfatlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
