Sabıq ukrayin uquq qorçalayıcısı 14 yılğa ğıyabiy şekilde üküm etildi. Rusiye Qırımnı işğal etken soñ, tahqiqat malümatına köre, o, ruslarnıñ hızmetine keçti. Şimdi o, Rusiye İçki işler nazirliginiñ işğalli Lenin (Keriç rayonı) bölüginiñ yolbaşçısı ola.
Orta küz ayınıñ 14-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ saytında bu aqqında haber etildi.
Uquq qorçalayıcı organlarında menbalarnıñ malümatına köre, söz İğor Nistrân aqqında kete.
«Qırım Cumhuriyeti ve Sevastopol şeeri prokurorlığınıñ açıq qabaatlavlarına köre, "Rusiye İçki işler nazirliginiñ Lenin rayonı bölügi"niñ işğalli yolbaşçısı mahküm etildi. O, devlet hainligiUkrayina CQniñ 111-nci maddesiniñ 1-nci qısmı ve işbirlik faaliyetiUkrayina CQniñ 111-1-nci maddesiniñ 7-nci qısmınde qabaatlandı. Qırım yarımadası zapt etilmeden evel mahküm etilgen Ukrayina vatandaşı Ukrayina İİNniñ Qırım Muhtar Cumhuriyetindeki Keriç şeeri Bİniñ cinaiy tahqiqat sektorınıñ idarecisi vazifesinde bulundı», — dep bildirdi prokurorlıq.
Tahqiqat malümatına köre, 2014 senesi ukrayin uquq qorçalayıcısı antını bozıp, öz isteginen işğalcilerge hızmetke keçti.
«İlk evelâ işğalciler onı "Rusiye İİNniñ Keriç şeerindeki 1-nci polis bölüginiñ cinaiy taqiqat bölüginiñ yolbaşçısı" olaraq tayinledi, 2017 senesi ise o, bu polis bölüginiñ yolbaşçısı oldı. İleride de istilâcı devletniñ menfaatlarında areket etip, 2022 senesi ilk yaz ayında adam "Rusiye İİNniñ Lenin rayonındaki bölügi"niñ yolbaşçısı olmağa razı oldı, onıñ yolbaşçısı olaraq alâ daa qala», — dep qoştılar uquq qorçalayıcılar.
Ukrayinada Harkiv şeerinde doğğan 41 yaşındaki İğor Nistrânnı 14 yılğa ğıyabiy şekilde mahküm ettiler ve mülkü müsadere etilecek. Bundan ğayrı, onıñ «polis leytenantı» unvanı alındı, em de 12 yıl devamında devlet akimiyeti, yerli idare organları ve Ukrayina uquq qorçalayıcı organlarında vazifeler tutmağa yasaq etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
