Orta küz ayınıñ 14-nde qırımtatar qadın areketiniñ yetekçisi Şefiqa Gasprinskayanıñ doğğanından 140 yıl keçti. Şefiqa Qırımtatar Milliy Qurultayınıñ delegatı edi, Bağçasaray ve Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) qadın teşkilâtlarınıñ yolbaşçısı edi.
Qırımtatar resurs merkezi bunı bildirdi.
Şefiqa — İsmail Gasprinskiyniñ qızı. O, «Terciman» gazetasınıñ muarririyetinde çalıştı ve 1905 senesi Qırımnıñ ilk musulman qadın mecmuası «Alem-i Nisvan»nıñ yolbaşçısı oldı.
«Qadın I Qırımtatar Milliy Qurultayınıñ delegatı edi, Bağçasaray ve Aqmescitte (Simferopolda) qadın teşkilâtlarınıñ yolbaşçısı edi. Onıñ ğayretleri sayesinde qadın ve erkek musaviyligi meselesi Qırım Halq Cumhuriyetiniñ Anayasasına kirsetildi», — dep qayd etildi QRMniñ haberinde.
1919 senesi yarımadadan eki balasınen beraber Türkiyege qaçmağa mecbur oldı, anda cemaat faaliyetini devam etti. 1930 senesi İstanbulda «Qırımtatar qadınlar birligi»ni qurdı.
«İcretçilerge yardım ete, hayriye faaliyetinen oğraşa ve qırımtatar neşirlerinde maqaleler derc ete edi. O, çetelde bile öz halqınıñ sesi edi», — dep yazdı QRM.
1975 senesi arman ayınıñ 31-nde İstanbulda Şefiqa Gasprinskaya vefat etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
