Ukrayina havfsızlıq hızmeti duşmannen işbirlik faaliyetiUkrayina CQniñ 111-1-nci maddesiniñ 5-nci qısmınden, hususan işğal etilgen topraqlarda qanunsız akimiyet organlarında vazifeler tutqanı ve Yanina Pavlenkoğa qanunsız saylavlarnı teşkil etkeni içün daa bir şübe bildirdi.
Orta küz ayınıñ 13-nde Ukrayina Baş prokurorınıñ ofisi saytında şübe metni ve mahkemege çağıruv aqqında bildirüv derc etildi.
Uquq qorçalayıcılar onı vaqtınca işğal etilgen topraqta qanunsız saylavlarnıñ keçirilmesinde iştirak etkeninde qabaatlaylar. Madde 10 yılğa qadar apis cezasını bere.
«Pavlenko Yanina Petrivna, "23-ünci Keriç bir mandatlı saylav okrugı" boyunca Rusiye Federatsiyası Federal toplaşuvınıñ doquzıncı çağırılışnıñ Devlet duması mebusı olaraq saylandı. Ukrayina vatandaşı Pavlenko Y.P., añlı tarzda ve göñülli areket etip, vaqtınca işğal etilgen Qırım Muhtar Cumhuriyetinde qanunsız saylavlar keçirilmesinde iştirak etti, bu da istilâcı devletniñ — Rusiye Federatsiyasınıñ — menfaatlarında saylav kampaniyasınıñ keçirilmesinde, em de işğalci akimiyetniñ devlet organınıñ resmiy saylanğan mebusı statusını elde etmesinde ifadelegen edi, bu ise Ukrayinanıñ vaqtınca işğal etilgen toprağında istilâcı devletniñ siyasetiniñ ömürge keçirilmesine faal şekilde yardım ete», — dep qayd etildi qabaatlav metninde.
Mahkeme oturışları orta küz ayınıñ 19, 20 ve 21 künleri keçirilecek.
Bundan ğayrı, orta küz ayınıñ 12-nde Yanina Pavlenkoğa qarşı Avropa Birligi memleketleri tarafından Rusiye Federatsiyası Devlet Dumasına sahte saylavlarda iştirak etkeni içün sanktsiyalar kirsetildi.
Yanina Pavlenko aqqında ne bilemiz
Yanina Pavlenko, Çernivtsi vilâyetiniñ Vıjnıtsi şeerinde östi. 2026 senesi vaqtınca işğal etilgen Qırımda Rusiye Federatsiyası Devlet Dumasına sahte saylavlarda iştirak etti. Bundan evel Yalta işğalli memuriyetiniñ yolbaşçısı edi.
2015 senesi Putin BerluskoniRusiye tarafdarı İtaliyalı siyasetçi, İtaliyanıñ sabıq baş naziri ile körüşti. O vaqıt Pavlenko musafirleri içün 1775 senesi yapılğan heresşarap, içecek sınıfına kirgen beyaz pekitilgen tatlı şarap. şişesini açtı. Bulardan yalıñız beşi qaldı ve er biri 100 biñ dollarğa paalılaştı. O vaqıt ukrayin uquq qorçalayıcıları Pavlenkonı milliy degerliklerniñ hırsızlanmasında qabaatlap, soñra oña cenk qanunlarını ve adetlerini bozğanında şübe bildirdiler.
Keçken yıl Pavlenko Ukrayina sanktsiyalarına oğradı. 2025 senesi ilk küz ayında oña duşmannen işbirlik faaliyeti maddesi boyunca daa bir şübhe bildirildi. Hususan — Ukrayina vatandaşı olaraq Yalta şeer memuriyetiniñ qanunsız qurulğan organında vazifelerni göñülli olaraq tutqanında. Oña beş yıldan on yılğa qadar apis cezası üküm etile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
