Orta küz ayınıñ 12-nde işğal etilgen Alupka ve Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) bir qısmı fevqulâde işler sebebinden elektriksiz qalacaq. Yarımadadaki «energetikler» bütün Qırımda sıñırlavlar aqqında haber ettiler.
Orta küz ayınıñ 12-nde öz saytında «Krımenergo» bu aqqında haber etti.
«Qırım Cumhuriyetiniñ bütün toprağında elektrik energiyasınıñ qullanuvı sıñırlana. Elektrik naqil hatları ve (ya da) elektrik ağınıñ donatmaları tezden söndürildi, bu ise energetik rayonlarda olğan vaziyetke bağlıdır: tamir işleri içün/ağnıñ yüklenüvini yoq etmek içün. Elektrik energiyasınıñ stabil teminatını ğayrıdan tiklemek içün er türlü tedbirler alına. (...) 2026 senesi orta küz ayınıñ 12-nde, tahminen saat 11:00-den 18:00-ge qadar, elektrik teminatı obyektlerinde acele tamir işleri keçirilmesi içün, Alupka şeerinde elektrik energiyası kesilecek», — dep qayd etildi haberde.
İşğalli «Sevastopolenergo» da bildire ki, orta küz ayınıñ 12-nde «Sosnova roşça» ve Sevastopolnıñ (Aqyarnıñ) daa 6 soqağında elektrik olmaycaq. Bundan da ğayrı, bugün, onıñ malümatına köre, Orlivka, Vişneve, Polüşko köylerinde elektrik teminatı sıñırlanacaq.
Bundan da ğayrı, işğalciler «Velıka YaltaQırımnıñ Cenübiy yalısındaki kurort bölgesi, Yalta şeerini ve Qara deñiz yalısındaki 30-dan ziyade yaqın meskün yerni birleştire» yalısınıñ (Livadiya qasabasından Foros qasabasına qadar) qısmında elektrikler söndürilgenini bildirdiler.
«12.10.2026 senesi tamir işleri sebebinden saat 11:00-den 12:00-ge ve saat 18:00-den 19:00-gece Livadiya qasabasından Foros qasabasına qadar elektrikler kesilecek», — dep qayd etti Yaltanıñ yekâne nevbet-dispetçer hızmeti Telegramda.
Orta küz ayınıñ 12-nde Qırımda suv berilmesi sıñırlanacaq, dep bildirdi Rusiye kontrolindeki «Voda Krıma» müessisesi. İşğalciler bunı tamir işleri ile bağlaylar. Bu, Keriç, Canköy ve Aluşta civarındaki rayonlar.
Bundan evel Suspilne Qırım añlattı ki, Qırımda elektrik energiyasınıñ yetmemezligi sebebinden suv teminatı ile bağlı meseleler peyda ola, hususan evler ve hocalıqlar pompalarğa bağlı olğan yerlerde. Yarımadada gumanitar vaziyet aqqında tafsilâtlıca malümatnı bizim maqalemizde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
