Ekim ayınıñ 10-na keçer gecesi işğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ava telükesi ilân etilgen edi.
Şeerniñ işğalci «gubernatorı» Mihail Razvojayev bu aqqında bildirdi.
İşğalci Fevqulâde vaziyetler nazirliginiñ bildirgenine köre, Qırımnıñ merkeziy qısmında ava mudafaası çalışqan edi ve uçaqlarnıñ ücüm telükesi bar edi.
«Qırım veter» Telegram-kanalı şaatlarnıñ malümatına esaslanıp, Aqyarda patlav ve Aqmescitte eki patlav aqqında haber etti. Onıñ malümatına köre, Keriçte elektrikler yarıqsız qaldı, soñra ise Yaltada yarıq söndürilgeni aqqında bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
