Orta küz ayınıñ 7-ne keçer gecesi işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) eki kere ava telükesi ilân etildi.
İşğalli Sevastopol (Aqyar) «gubernatorı» Mihail Razvojayev bunı bildirdi.
Qırımnıñ şimalinde Rusiye Federatsiyası FVNFevqulâde vaziyetler nazirliginiñ işğalli idaresi «dron telükesi»ni ilân etti ve AMSava mudafaası sistemasınıñ çalışqanı aqqında bildirdi.
«Dron telükesi. Qırım Cumhuriyetiniñ şimalinde AMS çalışa. Sakin oluñız. Açıq yerlerden saqlanıñız», — dep qayd etildi işğalli nazirlikniñ haberinde.
«Ateş» arbiy-partizan areketi Sevastopolda (Aqyarda) patlavlar aqqında bildirdi.
«Qırım yeli» Telegram kanalı şaatlarnıñ malümatına esaslanıp, işğal etilgen Qırımnıñ çeşit rayonlarında patlavlar aqqında haber etti. Patlavlar, hususan, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Krasnoperekop (Or QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında eşitildi. Bundan ğayrı, «Qaçı» ve «Belbek» ava limanları yanında patlavlar aqqında haber etile edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
