Ukrayina uquq qoruyıcıları bu sene ilk küz ayında işğal etilgen Qırımda keçirilgen qanunsız saylavlarnıñ 15 iştirakçisine işbirlik faaliyetiUkrayina CQniñ 111-1-nci maddesiniñ 5-nci qısmınde şübe bildirdiler.
Orta küz ayınıñ 2-nde Qırım Muhtar Cumhuriyeti ve Sevastopol (Aqyar) şeeri prokurorlığınıñ saytında bu aqqında haber etildi.
Olarnıñ areketleri Ukrayina Ceza qanunnamesiniñ 111-1 maddesiniñ 5-inci qısmına köre (duşmannen işbirlik faaliyeti) belgilene. Maddeniñ cezası — 10 yılğa qadar azatlıqtan marum etüv ve mal-mülkniñ musadere etilmesidir.
«Bu, işğalli akimiyet organlarına saylavlarda iştirak etken Ukrayina vatandaşlarıdır. Hususan, 13 insan Rusiye Federatsiyası Devlet Dumasına, daa ekisi qanunsız "Qırım Devlet Şurası"na namzetini kösterdi. Tahqiqat malümatına köre, saylav kampaniyası çerçivesinde olar yerli sakinler arasında cemaat teşviqat tedbirlerini teşkil ettiler ve keçirdiler, teşviqat malzemelerini tarqattılar. Şübelengenler öz areketleri ile işğalli akimiyetniñ pekitilmesine ve Qırımda siyasiy rejiminiñ tarqaluvına yardım ettiler», — dep qayd etildi haberde.
Uquq qorçalayıcı organlarıdan bir menba anonim şeklinde Suspilne Qırımğa adlarnı berdi:
- Vasilihin Dmıtro Oleksandrovıç
- Kovalenko Ğennadiy Volodımırovı.
- Şebelnikov Svitlana Mıkolayivna
- Kabanov Maksım Yuriyovıç
- Pavlıçenko İvan Petrovıç
- Turov Oleksandr Volodımırovıç
- Yuryev Yuriy Yuriyovıç
- Danılın Petro Mıkolayovıç
- Popov Mıkola Ğeorğiyovıç
- Yuhnenko Roman Anatoliyovıç
- Brakovaenko Volodımır Oleksiyovıç
- Ğordiyenko Artem Oleksandrovıç
- Ageyev Serğiy Anatoliyovıç
- Akopân Ğeorğiy Robertovıç
- Konstantınov Volodımır Andriyovıç
Hatırlatamız ki, ukrayin memurları ve uquq qorçalayıcıları VİETnıñ sakinlerini sözde saylavlarnıñ teşkil etilmesinde ve keçirilmesinde iştirak etmemege çağırdılar.
İşğalcilerniñ saylav ceryanlarına qoşulması Ukrayina qanunlarına köre işbirlik faaliyetiniñ alâmetlerine saiptir. İşğal etilgen Qırımda Rusiye saylavları sebebinden Ukrayina tarafından mahküm etilgenler aqqında — jurnalistlerimizniñ taqiqatında tafsilâtlıca baqıñız.
Evel Suspilne Qırım işğal etilgen Qırım Rusiye Federatsiyası Devlet Dumasına sahte saylavlarda 22 namzet köstergenini qayd etti. Olarnıñ arasında Rusiye ordusınıñ işğalli memurları, siyasetçileri ve arbiy hızmetçileri bar. Rusiye parlamentine kirmek içün eñ büyük şansları olğanlar aqqında maqalede oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
