İlk küz ayınıñ 30-nda aqşam ve orta küz ayınıñ 1-ne keçer gecesi işğal etilgen Qırımda patlavalar eşitildi, şu cümleden Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Nıjnöğirske şeerlerinde.
İlk küz ayınıñ 30-nda saat 22:24-te işğalli Qırım FVNFevqulâde vaziyetler nazirligi yarımadada AMSava mudafaası sisteması çalışqanı aqqında haber etti.
«Qırım yeli» nezaret resursınıñ malümatına köre, saat 22:46-da Simferopolda (Aqmescitte) bir patlav eşitildi, soñra — ateş ve daa bir patlav.
Aynı vaqıtta saat 23:19 civarında Nıjnöğirske köyünde patlav aqqında haber etildi. Kanal malümatına köre, ondan soñ anda bir müddetke elektrikler yoq oldı.
Saat 00:53-te kanalnıñ yazğanına köre, Nıjnöğirske ast stantsiyasına ücüm oldı.
«PS 110/35/10 kV "Nıjnöğirska" elektrik ast stantsiyasınıñ 50 MVA transformerlerniñ qurulğan küçü bar. Ast stantsiya, Nıjnöğirske rayonınıñ istimalcıları içün elektrik energiyasınıñ berilmesi ve tarqatılması merkeziniñ vazifesini becere», — dep aqyd etildi haberde.
Ne işğalli Qırım akimiyeti, ne de ukrayin tarafı saat 08:00 malümatnı tasdıqladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
