İşğal etilgen Qırımda elektrik energiyasınıñ istimalını sıñırlamağa devam eteler, çünki energetik sistemasında küç qıtlığı bar.
İşğalli «Krımenergo» bu aqqında haber etti.
«Qırım Cumhuriyetiniñ energetik sisteması küç qıtlığı şaraitlerinde çalışa. Yarımada boyunca elektrik energiyasınıñ qullanuvı sıñırlana», — dep qayd etildi haberde.
İşğalli «Krımenergo»nıñ qayd etkenine köre, elektrik ağlarınıñ söndürilüvi operativ vaziyetke bağlıdır. Şeerlerge elektrik energiyası ağnıñ imkânlarına köre berile.
Bundan ğayrı, ilk küz ayınıñ 30-nda planlaştırılğan tamir işleri sebebinden Krasnoğvardiyske şeeri ve rayonınıñ 50-den ziyade köyü elektriksiz qalacaq. Rusiye Federatsiyasınıñ Krasnoğvardiyske rayonı memuriyetiniñ yolbaşçısı Vasıl Grabovan bunı bildirdi.
Onıñ aytqanına köre, rayon elektrik ağlarınıñ brigadaları saat 12:00-den saat 18:00-gece planlaştırılğan işlerni yapacaq. Bu vaqıt devamında rayon meskün yerlerinde elektrikler kesilecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
